დღეს, 30 აგვისტოს ღამით უკრაინის თავდაცვის ძალებმა დრონების გამოყენებით რუსეთის კრასნოდარის მხარეში მდებარე "კრასნოდარის" ნავთობგადამამუშავებელი ქარხანა და სამარის ოლქში მდებარე "სიზრანის" ნავთობგადამამუშავებელი ქარხანა დაბომბეს. ამის შესახებ ინფორმაციას "Ukrainska Pravda" ქვეყნის შეიარაღებული ძალების გენერალურ შტაბზე დაყრდნობით ავრცელებს.

უწყების თქმით, თავდაცვის ძალები შესაბამის ზომებს იღებენ, რათა რუსეთის შეტევითი პოტენციალი დაასუსტონ და აიძულონ რუსეთი, რომ უკრაინის წინააღმდეგ სამხედრო აგრესია შეწყვიტოს.

უკრაინის შეიარაღებული ძალების გენერალური შტაბის განცხადებით, "კრასნოდარის" ნავთობგადამამუშავებელი ქარხანა წელიწადში 3 მილიონ ტონა ნავთობპროდუქტებს აწარმოებს და რუსეთის შეიარაღებულ ძალებს ამარაგებს.