KHIDI, კლუბიდან გამოსულ მომხარებელზე, სავარაუდოდ, ჰომოფობიურ ნიადაგზე თავდასხმის გამო, დაცვას გააძლიერებს. ამის შესახებ კლუბის ადმინისტრაცია ფეისბუკზე წერს.

KHIDI-ს ადმინისტრაციის განცხადებით, დაცვის დამატებითი თანამშრომლები ამიერიდან გარე პერიმეტრზეც უზრუნველყოფენ ადამიანების უსაფრთხოებას:

"კლუბი KHIDI გმობს ჰომოფობიას, ჩაგვრასა და შეურაცხყოფას. კლუბში არ დაიშვებიან ჰომოფობიური განწყობის პირები. კლუბი KHIDI შეუწყნარებელია აგრესიის გამომხატველი ადამიანების მიმართ. აგრესიის პირველივე გამოვლენენისას, ადამიანი ტოვებს კლუბის ტერიტორიას და მას ეზღუდება კლუბში KHIDI შემოსვლა."

კლუბის ადმინისტრაცია იმედს გამოთქვამს, რომ სამართალდამცავები სწრაფად გამოიძიებენ აღნიშნულ ფაქტს.

29 სექტემბერს, გვიან ღამით, კლუბიდან KHIDI გამოსულ 20 წლამდე ბიჭს სამი პირი დაესხა თავს. ადვოკატის თქმით,თავდასხმა, სავარაუდოდ, ჰომოფობიურ ნიადაგზე მოხდა, რადგან ბიჭს უკეთია საყურე და ფიზიკურად იდენტიფიცირებადია როგორც გეი.