"ეს არის ჩვენი შეთანხმების ახალი ეტაპი და იშვიათი პრეცედენტი ქართულ პოლიტიკაში, როდესაც ორი სხვადასხვა პარტია საერთო მიზნის გარშემო ერთიანდება", — პარტია გახარია საქართველოსთვის ლიდერი გიორგი გახარია მისი პარტიისა და კოალიცია ლელო — ძლიერ საქართველოს მიერ თბილისის მაჟორიტარობის კანდიდატების წარდგენას X-ზე გაეხმაურა.

მან "უსამართლო და უთანასწორო ბრძოლაში" ძალასა და სიმტკიცე უსურვა.

"დღეს, შეთანხმების ფარგლებში პარტია ლელო — ძლიერ საქართველოსთან ერთად, თბილისში 25 მაჟორიტარ კანდიდატი წარვადგინეთ. ეს არის ჩვენი შეთანხმების ახალი ეტაპი და იშვიათი პრეცედენტი ქართულ პოლიტიკაში, როდესაც ორი სხვადასხვა პარტია საერთო მიზნის გარშემო ერთიანდება.

ამ უსამართლო და უთანასწორო ბრძოლაში ქართული ოცნების კორუფციის, უსამართლობისა და ძალაუფლების ბოროტად გამოყენების წინააღმდეგ, ძალასა და სიმტკიცეს ვუსურვებ ჩვენს გუნდებს, რადგან ისინი იბრძვიან თბილისელებისთვის და საქართველოს ევროპული მომავლისთვის," — დაწერა გიორგი გახარიამ.

ცნობისთვის, გიორგი გახარიამ საქართველო ოცნების პარლამენტის დროებით საგამოძიებო საგამოძიებო კომისიაზე მეორედ დაბარებამდე დატოვა. კომისიის ხელმძღვანელის, თეა წულუკიანის თქმით, როდესაც 21 ივნისს გახარიას მათი წარმომადგენელი დაუკავშირდა, ის საქართველოში აღარ იმყოფებოდა და კომისიას ონლაინ რეჟიმში ჩართვა შესთავაზა. გიორგი გახარია მეორედ 23 ივნისს უნდა გამოკითხულიყო, თუმცა, საბოლოოდ, კომისიის სხდომას 2 ივლისს ონლაინ ჩაერთო. უცნობია როდის დაბრუნდება პარტია გახარია — საქართველოსთვის ლიდერი საქართველოში.