პარტია გახარია საქართველოსთვის ერთ-ერთი წევრის, ბერდია სიჭინავას განცხადებით, გიორგი გახარიას წინააღმდეგ დაწყებული საგამოძიებო მოქმედებები 2019 წლის 20-21 ივნისის მოვლენებთან დაკავშირებით პოლიტიკური დევნის ნაწილი და წინასაარჩევნო ვენდეტაა. ამის შესახებ სიჭინავამ "პალიტრანიუსის" ეთერში განაცხადა.

ის მიიჩნევს, რომ გახარია აბსოლუტურად უდანაშაულოა და მის მიმართ ბრალის წარდგენა პოლიტიკურად მოტივირებული ნაბიჯი იქნება. მისი თქმით, გავრცელებული ინფორმაცია თითქოს გახარიამ ევროპაში პოლიტიკური თავშესაფარი მოითხოვა – სიცრუეა. სიჭინავა აცხადებს, რომ გახარია ევროპაში ვიზიტებს აგრძელებს და დევნა მის მიმართ ოფიციალურად არ დაწყებულა.

"საგამოძიებო ექსპერიმენტის მიზანია არის საქმესთან დაკავშირებული გარემოებების სრულყოფილად აღდგენა. პარლიმენტის ტერიტორია არ არის ტყის მასივი, სადაც საგამოძიებო ექსპერიმენტების ჩატარების აუცილებლობა შეიძლება არსებობდეს.

პოლიტიკური ინტერესი არის ის, რომ პროკურატურამ დღეს რუსთაველის გამზირი გადაკეტა და აი ისეთი საგამოძიებო მოქმედების ჩატარების მიზნით, რომლის აუცილებლობაც საერთოდ არ დგას დღის წესრიგში და მთელი პიარული სტრატეგია ააგო დღის განმავლობაში.

ადამიანი, რომელიც მართავს ამ ქვეყანას არაფორმალურად არჩევნებამდე რამდენიმე დღით ადრე აანონსებს პოლიტიკური შურისძიების აქტს, რა თქმა უნდა, ეს არის სერიოზულად ყურადსაღები, ეს არის დევნა გიორგი გახარიასი", — თქვა სიჭინავამ.

შეგახსენებთ, რომ საქართველოს პროკურატურის ინფორმაციით ადამიანის უფლებაღა ევროპულმა სასამართლომ 2019 წლის 20-21 ივნისში კოლენციის მესამე მუხლის დარღვევა დაადგინა და სახელმწიფოს გარკვეული საგამოძიებო მოქმედებების ჩატარება დაავალა.

ამ მოქმედებების მიზანია, რამდენად სწორად ჩატარდა თავის დროზე შინაგან საქმეთა სამინისტროსა და მისი წარმომადგენლების მიერ აქციის მოგერიებისა და დაშლის მიზნით ქმედებები და იყო თუ არა გადამეტებული ძალა.

ამავე თემაზე იხილეთ: