"ეს სამართლიანობა არ არის — ეს რეპრესიაა" — ამის შესახებ საქართველოს მეხუთე პრეზიდენტი, სალომე ზურაბიშვილი სოციალურ ქსელ X-ზე წერს და არჩილ მუსელიანცის მიმართ გამოტანილ გამამტყუნებელ განაჩენს ეხმაურება.

მეხუთე პრეზიდენტის განცხადებით, "მაშინ, როდესაც მმართველი პარტია ნამდვილ დამნაშავეებს იცავს, ერთგული მოსამართლეები მოქალაქეებს აპატიმრებენ"

"#ტერორისაქართველოში — მოსამართლე გიორგი არევაძემ მომიტინგე არჩილ მუსელიანცს 4 წლით თავისუფლების აღკვეთა მიუსაჯა — ეს მე-14 აქტივისტია, რომელიც 2024 წლის ნოემბრის პროევროპული საპროტესტო აქციების შემდეგ დააპატიმრეს. მაშინ, როდესაც მმართველი პარტია ნამდვილ დამნაშავეებს იცავს, ერთგული მოსამართლეები მოქალაქეებს აპატიმრებენ. ეს სამართლიანობა არ არის — ეს რეპრესიაა," — წერს სალომე ზურაბიშვილი.