ქედის მუნიციპალიტეტში ცენტრალური საავტომობილო გზის სავალი ნაწილიდან ავტომობილი გადავიდა და გადავარდა — შედეგად ერთი ადამიანი დაიღუპა, ხოლო 3 დაშავდა.

ინფორმაციას News.On.ge-ს შინაგან საქმეთა სამინისტროში უდასტურებენ. დაშავებულები კლინიკაში გადაიყვანეს.

როგორც უწყებაში გვითხრეს, ფაქტზე გამოძიება სისხლის სამართლის კოდექსის 276-ე მუხლით მიმდინარეობს, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.