სერიალ And Just Like That-ის დახურვას სარა ჯესიკა პარკერიც გამოეხმაურა. The New York Times-თან ინტერვიუში, ქერი ბრედშოუს როლის შემსრულებელმა მსახიობმა, Sex And The City-ის ფრენჩაიზის დასრულებასა და ახალი სერიალის მოძულეებზე ისაუბრა.

ახალ სერიალს არაერთგვაროვანი გამოხმაურება მოჰყვა. მაყურებლის ნაწილი ფიქრობდა, რომ ქერი ბრედშოუს პერსონაჟი ამ სერიალში იდეალურად იყო წარმოჩენილი, ნაწილი კი — სრულიად პირიქით. დროთა განმავლობაში, სერიალს იმდენი მოძულე გამოუჩნდა, რომ თავიანთ თავებს "მოძულე-მაყურებლები" შეარქვეს. მათი თქმით, ახალ სერიალს ორიგინალთან კავშირი არ საერთოდ ჰქონდა, თუმცა სერიალს თვალს მაინც ვერ წყვეტდნენ.

ფოტო: HBO Max

The New York Times-თან ინტერვიუში პარკერს ჰკითხეს, იცოდა თუ არა სერიალის "მოძულე-მაყურებლების" შესახებ. მისი თქმით, ამაზე ფიქრს დიდ დროს არ უთმობს.

"ჩვენ ბევრს ვმუშაობდით, რათა საინტერესო ისტორიები მოგვეყოლა. მგონი, ეს ფაქტი არ მაღელვებს. არ მაღელვებს, რადგან, საერთო ჯამში, სერიალი ძალიან წარმატებული იყო", — ამბობს მსახიობი.

პარკერმა აღნიშნა, რომ სერიალის ტონი ნამდვილად შეიცვალა. "ჩვენ არ შეგვეძლო, რომ ეს კატასტროფული მოვლენა, რაც ქერის ცხოვრებაში მოხდა, დაგვევიწყებინა", — თქვა მან მისტერ ბიგის გარდაცვალებაზე საუბრისას — "სწორედ ამიტომ იყო მეორე სეზონი ასეთი აუცილებელი".

ფოტო: New Line Cinema

მსახიობი სერიალის დახურვასაც გამოეხმაურა და აღნიშნა, რომ ეს იდეალური გადაწყვეტილება იყო.

"შეგვეძლო კაფეებში სიარული გაგვეგრძელებინა. ამის გაკეთების მილიონი გზა არსებობს, რომლებიც მარტივი, ნაცნობი და სახალისოა, მაგრამ ჩვენთვის ექსპლუატაციის ტოლფასია", — ამბობს ის სერიალის დასრულების მიზეზებზე საუბრისას — "ვფიქრობ, ქერის ისტორიის დასრულება აუცილებელი იყო".

ფოტო: HBO Max

შეგახსენებთ,რომ სერიალი And Just Like That — რომელიც Sex and the City-ის ერთგვარი გაგრძელებაა, სადაც უკვე შუა ხნის ასაკში მყოფი კერი, მირანდა და შარლოტი კვლავაც ნიუიორკულ რომანტიკულ თავგადასავლებში ეხვევიან — მესამე სეზონის შემდეგ დაიხურა, სერიალის ბოლო ეპიზოდი მაყურებელმა 14 აგვისტოს იხილა.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…