სექსი დიდ ქალაქში დღემდე ერთ-ერთი ყველაზე პოპულარული სერიალია. HBO-ს ამ საკულტო შოუმ გზა კიდევ უფრო ფართოდ გაუხსნა ისეთ თემებზე ხმამაღლა საუბარს, როგორებიცაა სექსი, სექსუალობა, ქალთა და ლგბტ უფლებები, პრობლემური ურთიერთობები, ეიჯიზმი, რასიზმი და მრავალი სხვა.

მიუხედავად იმისა, რომ შოუ ასეთ მნიშვნელოვან თემებს ეხებოდა, მასში ხშირად ვხვდებოდით სტერეოტიპებს.

ეს გარკვეულწილად იმით აიხსნება, რომ სერიალი 90-იან წლებში დაიწყო და მას შემდეგ ჩვენს ცნობიერებაში უამრავი რამ შეიცვალა.

1. სექსუალური შევიწროება სამსახურში

ერთ-ერთ ეპიზოდში, როდესაც ქერი Vogue-სთვის სტატიას ამზადებს, მისი უფროსი სასმლით ხელში შეეჭრება ოთახში. მიუხედავად იმისა, რომ ეს სცენა ცდილობს პრობლემაზე სწორი აქცენტის დასმას, საბოლოოდ ყველაფერი მაინც იუმორამდე დადის და პრობლემის გადაჭრის სწორი გზაც არ არის ნაჩვენები.

2. სექსუალობის დაცინვა

სერიალში ხშირად იყო სცენა, როდესაც კერი, მირანდა და შარლოტა აქილიკებდნენ სამანტას დამოკიდებულებას სექსისადმი. ამით ყველაზე ხშირად შარლოტა იყო გატაცებული და სამანტას მხოლოდ იმიტომ ეჩხუბა, რომ მის ძმასთან დაწვა. ერთი შეხედვით, ეს შეიძლება არც გაგვკვირვებოდა, მაგრამ შარლოტას სამიზნე მხოლოდ სამანტა იყო, საკუთარი ძმა კი არაფერში დაუდანაშაულებია.

3. სტერეოტიპების გაღრმავება ბისექსუალებისადმი

შოუს ერთ-ერთ ეპიზოდში იყო სცენა, როდესაც კერის თავისმა შეყვარებულმა უთხრა, რომ ბისექსუალია. ამ თემას კი მთვარი პერსონაჟები ირონიულად შეხვდნენ. ისიც კი ითქვა, რომ ბისექსუალობა მოგონილია და რეალურად არ არსებობს.

4. იმის თქმა, რომ ქალებმა კაცის შესანარჩუნებლად ყველაფერი უნდა გააკეთონ

შოუს ერთ-ერთ ეპიზოდში შარლოტა ყვება, რომ მის შეყვარებულს მასთან ანალური სექსი სურს, თვითონ კი ეს არ უნდა. სამანტა კი ამ დროს შარლოტას გადარწმუნებას ცდილობს და ეუბნება რომ თუ შეყვარებულის დაკარგვა არ სურს, ყველაფერი უნდა გააკეთოს.

5. სტერეოტიპებით სავსე გეი პერსონაჟები

გეი პერსონაჟები შოუში მხოლოდ ბუტაფორიის როლს ასრულებენ. სერიალი ერთგვარად მიჰყვება ერთ-ერთ ყველაზე ფესვგადგმულ სტერეოტიპს, რომლის მიხედვითაც ყველა მოდურ და წარმატებულ ქალს ერთი გეი მეგობარი აუცილებლად ჰყავს. თითქმის ყველა ეპიზოდი, რომელშიც კერის ან შარლოტას გეი მეგობარი ჩანს, იმ პერიოდში გავრცელებული სტერეოტიპებით არის სავსე.

6. როდესაც ქალები ერთი კაცის ყურადღების მისაქცევად ერთმანეთს ემტერებიან

როდესაც სმიტი სერიალში პირველად გამოჩნდა ის ერთ-ერთ ბარში მიმტანი იყო. სწორედ იქ დაიწყო სამანტასა და კიდევ ერთი ქალის დიდი ბრძოლა მასთან სექსისათვის.

7. მისტერ ბიგის დამამცირებელი მოპყრობა კერისადმი

მიუხედავად იმისა, რომ ბიგი და კერი ბოლოს ერთად დარჩნენ, მთელი შოუს განმავლობაში ბიგი კერის ხშირად ექცეოდა დამამცირებლად და ეს შოუში ისე ჩანდა, თითქოს ასეც უნდა იყოს. მაგალითისთვის ის შემთხვევაც კმარა, როდესაც ხანგრძლივი ურთიერთობის შემდეგ ბიგმა კერი მიატოვა და სხვა ქალი მოიყვანა ცოლად.

8. 30 წელს გადაცილებული ქალების კრიტიკა, რომლებიც დაქორწინებულნი არ არიან

სამანტას გარდა სერიალში კერიც, მირანდაც და შარლოტაც (განსაკუთრებით ეს უკანასკნელი) ხშირად წუხდა იმაზე, რომ 30 წელს გადაცილებულია და არც დაქორწინებულია და არც შვილი ჰყავს. გარდა ამისა, სერიალს ერთი მთლიანი ეპიზოდიც კი ეთმობა, რომელშიც კერი ჟურნალის ყდაზეა, სტატია კი იმ ქალებს აკრიტიკებს, რომლებიც ამ ასაკში კვლავ მარტოხელები არიან, დრო ბარებში სიარულით გაჰყავთ და რამდენიმე პარტნიორი ჰყავთ.

9. როდესაც ქალები დაქორწინების შემდეგ სამსახურს ტოვებენ

როდესაც შარლოტა დაქორწინდა, პირველი, რაც გააკეთა, სამსახურის მიტოვება იყო.

10. როდესაც 30 წლის ხარ უნდა იფიქრო, რომ დაბერდი

სერიალში ასაკის მატების თემისადმი ქალები განსაკუთრებით მგრძნობიარენი არიან და ამ "პრობლემას" გამუდმებით განიხილავენ.

მიუხედავად ამ სტერეოტიპებისა, სერიალი ყოველთვის იყო, არის და იქნება ერთ-ერთი ყველაზე მნიშვნელოვანი მოვლენა ტელევიზიის ისტორიაში