საქართველოს შინაგან საქმეთა სამინისტროს ინფორმაციით, კრიმინალური პოლიციის თანამშრომლებმა ბუპრენორფინის შემცველი 604 აბი ნარკოტიკული საშუალება ამოიღეს. უწყებაში აღნიშნავენ, რომ განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით ერთი პირი დააკავეს.

"ნარკოლოგიური შემოწმების შედეგად, დაკავებულს ბუპრენორფინის მოხმარების ფაქტი დაუდგინდა", - დასძენენ შსს-ს პრესსამსახურში.

საქმეზე გამოძიება სისხლის სამართლის კოდექსის 260-ე მუხლია მეექვსე ნაწილის "ა" ქვეპუნქტით მიმდინარეობს. ამ მუხლით, განსაკუთრებით დიდი ოდენობით ნარკოტიკული საშუალების შეძენა - შენახვა ისჯება თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.