ამერიკელი კონგრესმენი ქართული ოცნების მიერ ჩინეთში გამართულ შეხვედრებს საკუთარ სოციალურ ქსელში ეხმაურება და აღნიშნავს, რომ ოცნება კვლავაც ქება-დიდებას უძღვნის კომუნისტურ ჩინეთს. მისივე თქმით, MEGOBARI აქტის მიღება აუცილებელია, რათა ქართველმა ხალხმა რთულად მოპოვებული თავისუფლება შეინარჩუნოს.

"ანტიამერიკული პარტია ქართული ოცნება კვლავაც ქება-დიდებას უძღვნის კომუნისტურ ჩინეთს, რომელსაც თავადვე უწოდა "მისაბაძი ზესახელმწიფო". ამერიკის შეერთებული შტატებისთვის აუცილებელია MEGOBARI აქტი საქართველოში, რათა შეინარჩუნოს წვდომა შუა დერეფნის ვაჭრობაზე და სტრატეგიულ მინერალებზე — და რათა დაეხმაროს ქართველ ხალხს მათი რთულად მოპოვებული თავისუფლების დაცვაში", — დაწერა ამერიკელმა კონგრესმენმა.