ნავი, რომელშიც დაახლოებით 157 ადამიანი იმყოფებოდა, იემენის სანაპიროსთან, ჩაიძირა. შემთხვევის შედეგად, მინიმუმ 68 მიგრანტი დაიღუპა. ამის შესახებ ინფორმაციას BBC ავრცელებს.

გემი იემენის სამხრეთ პროვინცია აბიანის სანაპიროსთან კვირას ჩაიძირა, როგორც იემენში მიგრაციის საერთაშორისო ორგანიზაციის (IOM) ხელმძღვანელმა BBC-ს განუცხადა 12 ადამიანი გადაარჩინეს, თუმცა ათეულობით ადამიანი კვლავ დაკარგულად ითვლება.

იემენი წარმოადგენს მთავარ გზას აფრიკის რქიდან მიგრანტებისთვის, რომლებიც სპარსეთის ყურის ქვეყნებში სამუშაოს საძიებლად მიემგზავრებიან. IOM-ის შეფასებით, ბოლო თვეებში ასობით ადამიანი დაიღუპა ან დაკარგულად მიიჩნევა საზღვაო კატასტროფებში.

IOM-ის ხელმძღვანელმა იემენში აღნიშნა, რომ ნავი საშიშ მარშრუტზე გადაადგილდებოდა, რომელიც ხშირად ადამიანებით მოვაჭრეების მიერ გამოიყენება.

მან ასევე ხაზი გაუსვა მიგრანტთა სამართლებრივი დაცვის გაძლიერების მნიშვნელობას, რათა ისინი ექსპლუატაციას არ დაექვემდებარონ.

"რასაც ჩვენ მოვუწოდებთ ყველა წევრ სახელმწიფოს… არის ის, რომ გააძლიერონ ლეგალური მიგრაციის გზები, რათა ადამიანებმა შეძლონ მიგრაცია ლეგალურად, და არ აღმოჩნდნენ მახეში ან მოტყუებულნი კონტრაბანდისტების მიერ და არ აირჩიონ ეს საშიში მარშრუტები," — განაცხადა მან.

მარტში, ორი ნავი, რომელშიც 180-ზე მეტი მიგრანტი იმყოფებოდა, იემენის დუბაბის რაიონის სანაპიროსთან ძლიერი ტალღების გამო ჩაიძირა. მხოლოდ ორი ეკიპაჟის წევრი გადაარჩენა მოხერხდა.