ბათუმელებისა და ნეტგაზეთის დამფუძნებლის, მზია ამაღლობელის ადვოკატის, მაია მწარიაშვილის თქმით, მისი დაცვის ქვეშ მყოფის მხედველობა კიდევ უფრო გაუარესდა. ადვოკატის სიტყვას ბათუმელები ავრცელებს.

დღეს გამართულ სხდომაზე ადვოკატმა სასამართლოს ბოლო კვლევის შედეგები წარუდგინა, რომელშიც მითითებულია, რომ ამაღლობელი ერთი თვალიდან, ფაქტობრივად, ვეღარ ხედავს.

"ცნობის სახით მინდა მოგაწოდოთ. ესაა ბოლო დღეების კვლევა მის თვალთან დაკავშირებით. აქ ნახავთ თქვენ, რომ მისი მხედველობა კიდევ უფრო გაუარესდა, ახლა მას ორივე თვალზე აქვს კერატოკონუსი. ერთ თვალში პრაქტიკულად არ არის მხედველობა და მეორე თვალში, სათვალის შემთხვევაში, მხოლოდ 30 პროცენტამდეა გაუმჯობესება შესაძლებელი," — თქვა მწარიაშვილმა.

ცნობისთვის,მზია ამაღლობელის განაჩენის გამოცხადება კვლავ გადაიდო — სანქცირებული მოსამართლე ნინო სახელაშვილი განაჩენს 6 აგვისტოს, 14:00-ზე გამოაცხადებს.

დღევანდელ სასამართლო პროცესზე მზია ამაღლობელმა სასამართლოს საბოლოო სიტყვის მიმართა.