ღაზაში მიმდინარე მოვლენებს ფინეთის რესპუბლიკის პრეზიდენტი, ალექსანდერ სტუბი ეხმაურება და სოციალურ ქსელში განცხადებას აქვეყნებს. მისი თქმით, ომი სასწრაფოდ უნდად დამთავრდეს და მანამდე ისრაელის მთავრობამ გაეროსა და საერთაშორისო არასამთავრობო ორგანიზაციებს თავიანთი მისიის შესრულების საშუალება უნდა მისცეს.

"ღაზაში მშვიდობიანი მოსახლეობის ტანჯვა სულ უფრო აუტანელი ხდება. ჩვენ ვუყურებთ დაუშვებელ და სამარცხვინო, ადამიანის მიერ გამოწვეულ შიმშილს.

ჰუმანიტარული დახმარების მიწოდებისთვის ისრაელის მთავრობის მოდელი არ მუშაობს. გადამწყვეტი მნიშვნელობის დახმარება მშვიდობიან მოსახლეობამდე არ მიდის, და ასობით ადამიანი დახვრიტეს მაშინ, როცა ისინი საკვებს ეძებდნენ. ისრაელის მთავრობამ გაეროსა და საერთაშორისო არასამთავრობო ორგანიზაციებს შესაძლებლობა უნდა მისცეს, შეასრულონ თავიანთი მისია და სიცოცხლის გადამრჩენი დახმარება ყოველგვარი დაგვიანების გარეშე მიაწოდონ მოსახლეობას.

ომი უნდა დასრულდეს ახლავე. ღაზას მოსახლეობა ზედმეტად დიდ ფასს იხდის. ჩვენ მოვუწოდებთ მხარეებს დაუყოვნებლივ შეთანხმდნენ ცეცხლის შეწყვეტასა და მძევლების გათავისუფლებაზე, რომელთა ოჯახებიც ასევე იტანჯებიან.

ფინეთი კვლავ ერთგულია გაეროს რეზოლუციებით განსაზღვრული ორი სახელმწიფოს მოდელის. თავისი განცხადებული პოზიციების შესაბამისად, ფინეთი მჭიდროდ ითანამშრომლებს მთავარ ევროპელ პარტნიორებთან მომდევნო ნაბიჯებთან დაკავშირებით", — დაწერა ფინეთის რესპუბლიკის პრეზიდენტმა ალექსანდერ სტუბიმ.