აზერბაიჯანის პრეზიდენტი ილჰამ ალიევი საკუთარ X-ზე ამერიკის შეერთებული შტატების პრეზიდენტს, დონალდ ტრამპს მისი განცხადების სოციალურ ქსელში გაზიარებისთვის მადლობას უხდის. ალიევმა ასევე იმედი გამოთქვა, რომ აშშ-აზერბიჯანის ურთიერთობები ახალ ეტაპზე გადავა.

"მსურს პრეზიდენტ დონალდ ტრამპს მადლობა გადავუხადო, თავის სოციალურ პლატფორმაზე ჩემი განცხადების გაზიარებისთვის, აშშ-სა და აზერბაიჯანს შორის პარტნიორობისა და მისი ერთგულების შესახებ მშვიდობის დღის წესრიგის მიმართ — როგორც გლობალურად, ასევე ჩვენს რეგიონში — რაც შუშას გლობალურ მედიაფორუმზე გამოვხატე.

კიდევ ერთხელ მსურს ხაზი გავუსვა ჩვენს მხარდაჭერას პრეზიდენტ ტრამპის ხედვისა და ძალისხმევის მიმართ, რომელიც მთელ მსოფლიოში, მათ შორის ჩვენს რეგიონში, მშვიდობისა და სტაბილურობის ხელშეწყობას ისახავს მიზნად. ჩვენ ასევე საერთო ღირებულებები გვაერთიანებს, როგორიცაა ოჯახური ტრადიციების მნიშვნელობა, და იმედს ვიტოვებთ, რომ ტრამპის პრეზიდენტობის პერიოდში აშშ-აზერბაიჯანის ურთიერთობები ახალ საფეხურზე გადავა.

ვუსურვებთ მას წარმატებას ყველა წამოწყებაში, რაც ამ მიზნის მიღწევისკენაა მიმართული", — დაწერა ალიევმა.

ტრამპი და ალიევი ერთმანეთს აქებენ — აშშ-ის და აზერბაიჯანის პრეზიდენტები ერთმანეთის პოსტებს აზიარებენ