ნიუ-იორკის დრონ-ფილმ ფესტივალის გამარჯვებულები

ბოლო რამდენიმე წელია, ფოტოგრაფიასა და კინემატოგრაფიაში, ისევე როგორც ნიუს რეპორტინგში, დრონებმა მნიშვნელოვანი ადგილი დაიკავეს.

ამ მოწყობილობების საშუალებით გადაღებული ფოტო და ვიდეო მასალა მაყურებელში უდიდესი პოპულარობით სარგებლობს. სწორედ ამ მზარდი პოპულარობისა და მასალის მრავალფეროვნების გამო, 2015 წელს ნიუ-იორკში დაარსდა დრონ-ფილმ ფესტივალი, რომელშიც, როგორც მიხვდით დრონებით გადაღებულ საუკეთესო ვიდეოებს ავლენენ.

ფესტივალზე ფილმის შეტანა ყველა ადამიანს შეუძლია, თუ მათი გადაღებული ვიდეო შესაბამის მოთხოვნებს აკმაყოფილებს. ფილმი უნდა იყოს 5 წუთზე ნაკლები და მისი 50% გადაღებული უნდა იყოს დრონით ან სხვა ნებისმიერი უპილოტო საფრენი აპარატით.

ჯილდოები 10 კატეგორიაში გაიცემა, რომელთა ჩამონათვალს და იქვე გამარჯვებულებსაც ქვემოთ შემოგთავაზებთ.

1. ნარატივი

ამ კატეგორიაში ყურადღება ექცევა ამბავს, რომელსაც ვიდეო გადმოსცემს.

2016 წლის ფესტივალის გამარჯვებული ვიდეოა The Smallest Empire.

სტუდია Corridor Digital-ის მიერ გადაღებული ფილმი, რომელიც მოგვითხრობს ვიდეო თამაშებში არსებული ცივილიზაციების ომის შესახებ.

2. პეიზაჟი და არქიტექტურა

ამ კატეგორიაში ორი ჯილდო გაიცემა, ერთი პეიზაჟისთვის, ერთი კი, არქიტექტურაში.

2016 წლის გამარჯვებული არქიტექტურის მიმართულებით - ჯოდი ჯონსონის ფილმი Graystone Rising.

ფილმში მოთხრობილი ისტორიული შენობის, გრეისტოუნის ფსიქიატრიული საავადმყოფოს დანგრევის ისტორია. შენობა 1876 წელს აშენდა ნიუ-ჯერსიში. შტატის ხელმძღვანელობამ მისი დაშლის გადაწყვეტილება 2015 წელს მიიღო და ამავე წლის აპრილშივე აღასრულა.

საუკეთესო პეიზაჟი - ჯონ დანკანი Wild Scotland

ვიდეოში ნაჩვენებია შოტლანდიის ფლორა, ფაუნა, მთები, ველები და ისტორიული ნაგებობები.

3. დემო-პორტფოლიო

ეს ნომინაცია დრონების ოპერატორები კომპანიების ან ინდივიდებისთვისაა, რომლებმაც თავიანთი სადემონსტრაციო ვიდეოები უნდა წარმოადგინონ.

კატეგორიის გამარჯვებული Skynamic

Skynamic საჰაერო ფოტო-კინემატოგრაფიის სტუდიაა, რომელიც დემოში თავისი გამოცდილების შესახებ მოგვითხრობს.

4. ტექნიკური მიღწევები

ამ კატეგორიაში ტექნიკურად რთულად შესრულებული ვიდეოებია წარმოდგენილი.

წლევანდელი გამარჯვებულია კოლინ სოლალ კარდოსა და პასკალ ანკეტილის ფილმი Art of Shades "All Way".

20 დუბლის შედეგად გადაღებული უწყვეტი მუსიკალური კლიპი.

5. ვიდეო-პილოტირების ფრისტაილი

კატეგორიაში წარდგენილია ვიდეოები, რომლებიც გადაღებულია ვიდეო პილოტირებისას.

გამარჯვებული Charpu - Abandonado

6. Dronie

დრონით გადაღებული სელფი-ვიდეოების კატეგორია.

გამარჯვებული Behind The Mask-ის სელფი The Sark Dronie

ვიდეოში ნაჩვენებია წყალქვეშ გადაღებული ვიდეო-სელფი, რომელიც ჯერ წყალში იწყება, მერე ადის ჰაერში, იქიდან გვაჩვენებს მოცურავეს და ბოლოს ისევ ქვემოთ ბრუნდება.