საფრანგეთის საგარეო საქმეთა მინისტრმა, ჟან-ნოელ ბარომ განაცხადა, რომ ამერიკელი სენატორებთან კოორდინაციით ევროკავშირი რუსეთზე ბოლო 3 წლის განმავლობაში ყველაზე მკაცრ სანქციებს ამზადებს.

ბარომ ამის შესახებ კომენტარი ფრანგულ ტელეარხ TF1-თან საუბრისას გააკეთა.

ბაროს თქმით, ვლადიმირ პუტინმა არ მხოლოდ უარი თქვა სამშვიდობო შეთავაზებაზე, არამედ "რუსეთმა გაახუთმაგა დარტყმების მასშტაბი უკრაინაზე".

"ეს ვერ გაგრძელდება. ამას უნდა დაესვას წერტილი. ამ მიზნის მისაღწევად, ამერიკელი სენატორებთან კოორდინაციით, ევროპა ემზადება საფრანგეთის წინადადებებზე დაფუძნებული ყველაზე მკაცრი სანქციების მისაღებად, რაც ბოლო სამი წლის განმავლობაში მიღებულ სანქციებს შორის უპრეცედენტო იქნება. ისინი პირდაპირ წაართმევენ ვლადიმირ პუტინს იმ რესურსებს, რაც მას ომის გაგრძელების საშუალებას, აძლევს", — განაცხადა საფრანგეთის საგარეო საქმეთა მინისტრმა.

მისი თქმით, დღეს პუტინი მხოლოდ იმით კმაყოფილდება, რომ რაკეტებითა და დრონებით საცხოვრებელ უბნებს ბომბავს, რაც უამრავ მსხვერპლს იწვევს მშვიდობიან მოსახლეობაში.

"ამიტომ ამას უნდა დაესვას ბოლო, და ამისთვის საჭიროა სანქციები, რომლებიც იქნება არა მხოლოდ ნავთობის შემოსავლების წინააღმდეგ მიმართული, არამედ რუსეთის ფინანსურ მოთამაშეებსა და უცხო ქვეყნების ფინანსურ აქტორებსაც შეეხება, რომლებიც ჩვენ სანქციებს გვერდს უვლიან", — დასძინა ბარომ.

შეგახსენებთ, რომ რესპუბლიკელმა სენატორმა ლინდსი გრემმა განაცხადა, რომ სენატი აპირებს ორპარტიული კანონპროექტის წარდგენას რუსეთის წინააღმდეგ სანქციების შესახებ, რაც შესაძლებელს გახდის ტარიფების დაწესებას იმ ქვეყნების მიმართ, რომლებიც მხარს უჭერენ რუსეთის ომს.

რამდენიმე დღის წინ სენატორმა აღნიშნა, რომ ახალი სანქციები რუსეთის წინააღმდეგ ივლისში იქნება დამტკიცებული.