გარემოს ეროვნული სააგენტოს ინფორმაციით, 29 სექტემბრიდან მნიშვნელოვნად დაიკლებს ჰაერის ტემპერატურა, განსაკუთრებით აღმოსავლეთ საქართველოში, სადაც +13, +18 გრადუსია მოსალოდნელი. ცივი და დროგამოშვებით ნალექიანი ამინდი თვის ბოლომდე შენარჩუნდება. დასავლეთ საქართველოში კი შედარებით გამოიდარებს.

სააგენტოს ცნობით, 27 სექტემბერს დღის მეორე ნახევრიდან და 28 სექტემბერს საქართველოში ცივი და ნოტიო მასების გავრცელების გამო მოსალოდნელია წვიმა, ზოგან ძლიერი.

26 სექტემბერს კი დასავლეთ საქართველოში მოსალოდნელია თბილი და უნალექო ამინდი. აღმოსავლეთ საქართველოში სითბოს ფონზე ხანმოკლე წვიმაა ნავარაუდევი.