თიბისი კაპიტალი საერთაშორისო ბაზარზე განვითარებას განაგრძობს და ინვესტორებს სრულიად ახალ შესაძლებლობებს უხსნის.

თიბისი კაპიტალი პირველი საინვესტიციო ბანკია, რომელსაც უზბეკეთის კაპიტალის ბაზრის მარეგულირებელმა სააგენტომ, ე.წ., რეგულატორული სენდბოქსის წევრობა მიანიჭა. აღნიშნული სტატუსი საშუალებას იძლევა, თიბისი კაპიტალის ინვესტორებისთვის, უზბეკეთის ფასიანი ქაღალდების ბაზრის უფრო მეტად ხელმისაწვდომობას.

რეგულატორული სენდბოქსი სპეციალური სამართლებრივი რეჟიმია, რომელიც უცხოურ შუამავალ კომპანიებს საშუალებას აძლევს, არარეზიდენტ პირებს სპეციალური ლიცენზიების გარეშე მოემსახურონ. თიბისი კაპიტალი შეძლებს, ინვესტორების სახელით ჩაერთოს უზბეკეთის ფასიანი ქაღალდების ბაზარზე, შეიძინოს სახაზინო ობლიგაციები, კორპორატიული ბონდები, ასევე ჰქონდეს ნაღდი ფულის ანგარიში ადგილობრივ და უცხოურ ვალუტაში და სხვ.

“თიბისი კაპიტალი აქტიურად მონაწილეობს უზბეკეთის კაპიტალის ბაზრის განვითარებაში, ახალი სტატუსი კი საშუალებას გვაძლევს ავამაღლოთ ჩვენ მიმართ ნდობა და გავზარდოთ თიბისი კაპიტალის როლი, როგორც ლოკალურ, ისე საერთაშორისო ბაზარზე. უზბეკეთის რეგულატორი სენდბოქსის წევრობა სრულიად ახალი საფეხურია ჩვენთვის და ჩვენი ინვესტორებისთვის, რომლებსაც მრავალნაირ პროდუქტზე წვდომის საშუალებას ვაძლევთ. ამ ნაბიჯებით ვცდილობთ, ვუპასუხოთ მზარდ მოთხოვნას და მომხმარებლებს ახალი საინვესტიციო შესაძლებლობები გავუხსნათ, რაც სრულ თანხვედრაშია ჩვენს სტრატეგიულ მიზნებთან, რომლებიც გლობალურად თიბისი კაპიტალის გაფართოებას გულისხმობს“, — ოთარ შარიქაძე, თიბისი კაპიტალის დირექტორი.