2025 წლის 14 ივნისს, შეერთებული შტატების მასშტაბით ათასობით ადამიანი შეუერთდა მოძრაობას სახელწოდებით "No Kings" — "არა მეფეებს". ეს დღე პრეზიდენტ დონალდ ტრამპის 79-ე დაბადების დღესა და ვაშინგტონში გამართულ აშშ-ს არმიის სამხედრო აღლუმს დაემთხვა.

დემონსტრანტები აცხადებდნენ, რომ მათი პროტესტი მიმართული იყო ავტორიტარიზმის, პოლიტიკური დინასტიებისა და პოლიტიკის მილიტარიზაციის წინააღმდეგ.

ფოტო: Santiago_MejiaSan_Francisco_Chronicle_via_AP

ფოტო: Noah Berger

Associated Press-ისა და Time Magazine-ის ინფორმაციით, პროტესტი აშშ-ის ყველა შტატში, 2 000-ზე მეტ ქალაქსა და დასახლებაში გაიმართა, რაც ამ დემონსტრაციას 2020 წლის შემდეგ ერთ-ერთ უდიდეს საპროტესტო ტალღად აქცევს. განსაკუთრებით მასშტაბური აქციები ფილადელფიაში, ჩიკაგოში, დენვერსა და ლოს-ანჯელესში ჩატარდა. ფილადელფიაში დამოუკიდებლობის მოედნის სიახლოვეს 100,000-ზე მეტი ადამიანი შეიკრიბა. ბევრ მათგანს ბანერები წარწერით No Kings in America (არა მეფეებს ამერიკაში) და აშშ-ს ამობრუნებული დროშები შეუერთდა.

ორგანიზატორებმა ABC News-ს განუცხადეს, რომ აქციების თარიღი სპეციალურად დაემთხვა როგორც ტრამპის დაბადების დღეს, ისე სამხედრო ღონისძიებას ვაშინგტონში.

რამდენიმე ქალაქში პროტესტს ვეტერანებიც შეუერთდნენ. ზოგიერთმა მათგანმა სამხედრო აღლუმი შეაფასა როგორც პოლიტიკურად მოტივირებული სპექტაკლი.ორგანიზაციამ Veterans for Peace აღლუმი ოფიციალური განცხადებით დაგმო.

ფოტო: Reuters

მიუხედავად იმისა, რომ უმეტესად აქციები მშვიდობიანად მიმდინარეობდა, რამდენიმე ადგილას დაპირისპირება დაფიქსირდა. ლოს-ანჯელესში პოლიციამ ცრემლმდენი გაზი გამოიყენა. სოლთ ლეიქ სითიში ფიზიკური დაპირისპირების შედეგად ერთი ადამიანი საავადმყოფოში გადაიყვანეს. ვირჯინიაში კი, სავარაუდო მიზანმიმართულმა ავტომობილით შეტევამ ერთი დემონსტრანტი დააზიანა. როგორც სამართალდამცავებმა Daily Beast-ს აცნობეს, ქალაქების უმეტესობაში აქციები მშვიდობიანად წარიმართა.

14 ივნისის მოვლენების შემდეგ, მოძრაობის ორგანიზატორები მთელი ქვეყნის მასშტაბით ახალი პროტესტებისა და სამოქალაქო აქტივობების დაგეგმვას განაგრძობენ.