ოცნების ხელისუფლების მთავრობის 5 ივნისის გადაწყვეტილებით, 1-ლი ივლისიდან უქმდება საჯარო სამართლის იურიდიული პირი — საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტი.

დადგენილების მიხედვით, რომელსაც ხელს ოცნების ხელისუფლების პრემიერმინისტრი ირაკლი კობახიძე აწერს, „ლიკვიდირებული ინსტიტუტის უფლებამონაცვლედ განისაზღვროს სამინისტრო.

ინსტიტუტის ლიკვიდაციის შედეგად დარჩენილი ყველა დოკუმენტაცია გადაეცეს სამინისტროს, მიღება-ჩაბარების აქტის საფუძველზე.

ინსტიტუტის ლიკვიდაციის შედეგად დარჩენილი სახელმწიფო ქონება და სახელმწიფო ბიუჯეტით განსაზღვრული ასიგნებები, კანონმდებლობით დადგენილი წესის შესაბამისად, გადაეცეს სამინისტროს, — ნათქვამია დადგენილებაში.