პრეზიდენტის ადმინისტრაციის პრესსპიკერის თქმით, გიორგი მარგველაშვილი მიიჩნევს, რომ ვანო მერაბიშვილის საქმეზე გამოტანილი გადაწყვეტილება სახელმწიფოსთვის დამაზიანებელია.

"ევროპის ადამიანის უფლებათა სასამართლოს გადაწყვეტილებამ ვანო მერაბიშვილის საქმესთან დაკავშირებით მაღალი საზოგადოებრივი ინტერესი დაიმსახურა. სახელმწიფოსთვის ასეთ დამაზიანებელ გადაწყვეტილებას ჰყავს უშუალო პასუხისმგებელი პირები სამართალდამცავ და სასამართლო სისტემაში".

ეკა მიშველაძის თქმით, პრეზიდენტი მიიჩნევს, რომ იმ პირების სამსახურებრივი, პოლიტიკური და სამართლებრივი პასუხისმგებლობის საკითხი უნდა დადგეს, ვინც აღნიშნული გადაწყვეტილება მიიღო.