რუსთავი 2 საკუთარ ვებგვერდზე კიბერშეტევისა და მუქარის შესახებ ინფორმაციას ავრცელებს. საინფორმაციო გამოშვების წამყვანმა, თამარ ბაღაშვილმა ეთერში აღნიშნა, რომ არხმა ვებგვერდზე შესაძლო კიბერშეტევის შესახებ მიიღო ინფორმაცია, რის შემდეგაც რუსთავი 2-ის საიტი გაითიშა.

მისივე თქმით, კიბერშეტევის შესახებ აცნობეს შინაგან საქმეთა სამინისტროს და მათ რუსთავი 2-ის შენობაში საგამოძიებო მოქმედებები დაიწყეს.

"დავკარგეთ მართვა ვებგვერდზე, როგორც სისტემური ადმინისტრატორიდან, ასევე მომხმარებელი რუსთავი 2-ის ვებგვერდს ვერ ხედავდა,"- აღნიშნა არხის საინფორმაციო სამსახურის უფროსმა, ნოდარ მელაძემ.

მისი თქმით, კიბერშეტევის მიუხედავად, ვებგვერდის მონაცემთა ბაზები, არქივი სრულად შენარჩუნებულია და ამჟამად საიტი ჩვეულ რეჟიმში ფუნქციონირებს.