14 მაისს, ზუგდიდში თამარ მეფის ქუჩაზე ავტომობილი სამ არასრულწლოვანს დაეჯახა, რომლებიც გზაზე გადადიოდნენ.

ოდიშინიუსის ცნობით, სამივე არასრულწლოვანი კლინიკაშია გადაყვანილი. მათივე ინფორმაციით, ერთ-ერთი დაშავებულის, მერვე კლასელი ბიჭი, რომელმაც თავის ქალის მძიმე ტრავმა მიიღო, მისი ჯანმრთელობის მდგომარეობა მძიმეა. მძიმეა მეორე მოზარდის მდგომარეობაც, რომელსაც შეჯახების შემდეგ თავის არეში მცირე ზომის ჰემატომა აღენიშნება, შესაბამისად, ის ხელოვნური კომის მდგომარეობაშია გადაყვანილი. რაც შეეხება მესამე მოზარდს, მას ხელი აქვს დაზიანებული, პირველადი დახმარება აღმოუჩინეს და სტაციონარული მკურნალობა არ სჭირდება.

მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.