გაერთიანებული პროფკავშირების თავმჯდომარედ, კიდევ ერთი ვადით, ირაკლი პეტრიაშვილი აირჩიეს. კენჭისყრის შედეგები რამდენიმე წუთის წინ გახდა ცნობილი.

არჩევნებში მონაწილეობა მიიღო 203-მა დელეგატმა, აქედან 139 ხმა ირაკლი პეტრიაშვილმა მიიღო. ბიულეტენებიდან 2 გაბათილდა, ხმების დარჩენილი ნაწილი კი პეტრიაშვილის კონკურენტმა - ამირან ზენაიშვილმა მიიღო.

ამავე თანამდებობის დასაკავებლად იბრძოდა საქართველოს კულტურის პალატის ხელმძღვანელი, დავით ოქიტაშვილიც, თუმცა ის საკუთარი სურვილით კონკურსს დღეს გამოეთიშა.

"ერთადერთი მთავარი მიზეზი [კანდიდატურის მოხსნის] რაც არის - ირაკლი პეტრიაშვილს [მოქმედ თავმჯდომარეს] დავუმტკიცე, რომ მე არ ვარ მთავრობის კანდიდატი და იმიტომ მოვხსენი ჩემი კანდიდატურა. ახლა მაინტერესებს ვინ დაანგრევს პროფკავშირს", - ასე განმარტა ოქიტაშვილმა კონკურსში მონაწილეობაზე უარი.