ყველასათვის ნაცნობი და საყვარელი ლიტერატურული სამკუთხედი - ნესტან ნენე კვინიკაძე, ლაშა ბუღაძე და დათო ტურაშვილი 16 სექტემბრიდან ტრადიციული გადაცემის განსხვავებულ ვერსიას შემოგვთავაზებს.

შაბათის შუადღე - ასე ჰქვია გადაცემას, რომელიც ყოველ შაბათს 12:30-დან 14:00-მდე რუსთავი 2-ის პირდაპირ ეთერს დაიკავებს.

განახლებული ფორმატის მთავარი ნაწილი ახალი წამყვანია. ცნობილ ტრიოს ჩემი ცოლის დაქალებისა და ხელოვნური სუნთქვის სცენარისტი ქეთი დევდარიანიც შეემატება.

ფოტო: ავთო გვასალია

"რეალურად, ერთ სფეროს წარმოვადგენთ, მაგრამ ერთმანეთისგან ყველა განსხვავებულები ვართ, რაც თემის თუ წიგნის განხილვის შემთხვევაში საინტერესო ფორმის საშუალებაა", - ამბობს გადაცემის ერთ-ერთი წამყვანი და მთავარი პროდიუსერი ნესტან ნენე კვინიკაძე.

ფოტო: ავთო გვასალია

როგორც ცნობილია, გადაცემაში, ახალი გამოცემების თუ თარგმანების წარდგენასთან ერთად, წამყვანები თავიანთი პერსპექტივიდან ისაუბრებენ ყველა იმ აქტუალური თემის შესახებ, რაც მიმდინარე დღეების მანძილზე საზოგადოებისთვის საკამათო, ან, უბრალოდ, საინტერესოა.

ფოტო: ავთო გვასალია

ფოტო: ავთო გვასალია

გადაცემის ფორმატის ერთ-ერთ მთავარ ნაწილად რჩება რუბრიკა ძალა ევროპაშია. რომელშიც წამყვანები პრორუსული მითების გაქარწყლებას კონკრეტული ფაქტების მიხედვით შეეცდებიან, ხან დამოუკიდებლად, ხანაც სტუმრებთან ერთად.

"ჩვენ ვეცდებით, მაყურებლის "დაკვეთა" და ინტერესი წიგნების და ამბების შესახებ ყველაზე საინტერესო ფორმით წარმოვადგინოთ", - ამბობს ნესტან ნენე კვინიკაძე.

ლიტერატურა, აქტუალური თემები, ევროპული ღირებულებები და საინტერესო წამყვანები - ეს ყველაფერი 16 სექტემბრიდან, ყოველ შაბათს 12:30 საათიდან თქვენი ყურადღების მთავარი ობიექტი გახდება.