ყველაფერი, რაც iPhone 8-ისა და iPhone X-ის შესახებ უნდა იცოდეთ
Apple-მა სექტემბრის ტრადიციულ ღონისძიებაზე რამდენიმე ახალი პროდუქტი წარადგინა. თუმცა, ყველაზე დიდ ყურადღებას iPhone-ის ახალი მოდელები იქცევს.
როგორც მოსალოდნელი იყო, გუშინ, 12 სექტემბერს, კომპანიამ iPhone 8, iPhone 8 Plus და iPhone X გააცნო ფართო საზოგადოებას. რა მახასიათებლები აქვთ ახალი თაობის ტელეფონებსა და რით განსხვავდებიან ისინი ერთმანეთისგან?
iPhone 8 და iPhone 8 Plus
რაც უნდა გასაკვირი იყოს, როგორც ჩანს, Apple-ს ახალი მოდელის დიზაინის გადაკეთებაზე ბევრი არ უფიქრია. iPhone 8 და iPhone 8 Plus ძალიან ჰგავს მის წინამორბედს, iPhone 7-ს. პრეზენტაციამდე არსებობდა მოლოდინი, რომ ამ მოდელებს არ ექნებოდა Home Button, თუმცა ეს ინფორმაცია მცდარი აღმოჩნდა.
მიუხედავად წინა მოდელთან ვიზუალური მსგავსებისა, iPhone 8 და iPhone 8 Plus-ის უკანა ნაწილი მთლიანად შუშის კორპუსით იქნება დაფარული, დანარჩენი კი - ალუმინით. ახალი მოდელები სამ ფერში იქნება წარმოდგენილი - რუხი (Space Gray), ვერცხლისფერი (Silver) და ოქროსფერი (Gold). აღსანიშნავია, რომ შუშის კორპუსმა ტელეფონს სრულიად ახალი იერი და ხიბლი შესძინა.
ტექნიკური მახასიათებლები
შესაძლოა ახალი მოდელები ვიზუალურად გავს iPhone 7-ს, თუმცა ტექნიკური მახასიათებლების მხრივ, ის გაუმჯობესებული ვერსიაა. iPhone 8-ს ახალი 12-მეგაპიქსელიანი კამერა აქვს, ხოლო iPhone 8 Plus-ს ასევე 12 მეგაპიქსელიანი, ორმაგი კამერა მოყვება. ამასთან, iPhone 8 Plus აღჭურვილია Portrait Mode და Portrait Lightining ფუნქციებით, რის დანაკლისსაც iPhone 8 განიცდის.
აღსანიშნია, რომ ორივე მოდელი კვლავ წყალ- და ნესტ-გამძლეა, რაც iPhone-სთვის სიახლეს აღარ წარმოადგენს.
ორივე ახალი მოდელი აღჭურვილია უსადენო დატენვის ფუნქციით. ამასთან, განსხვავდება დინამიკისა და მიკროფონის ჟღერადობაც. ორივე მოდელს წინა ვერსიებისგან განსხვავებით, 25%-ით აქვს გაუმჯობესებული ხმის სიხშირე და ხარისხი.
ახალი მოდელები აღჭურვილია სრულიად ახალი პროცესორით, რომელსაც კომპანიამ A11 Bionic დაარქვა. ახალი პროცესორი წინებისგან განსხვავებით 25%-ით უფრო სწრაფია. CPU ექვსბირთვიანია, რაც ტელეფონის მუშაობას უფრო ეფექტურსა და სწრაფს ხდის.
iPhone 8-ის ეკრანი 11,9 სმ (4,7 ინჩი), ხოლო iPhone 8 Plus-ის — 13,9 სმ (5,5 ინჩი) დიაგონალის იქნება.
ჯერჯერობით უცნობია, რა ეღირება ტელეფონი საქართველოში, თუმცა iPhone 8-ის ოფიციალური ფასი აშშ-ში $699-დან იწყება, ხოლო iPhone 8 Plus — $799 ეღირება.
მიესალმეთ მომავალს - iPhone X
12 სექტემბრის პრეზენტაციის მთავარი მოვლენა iPhone X იყო (წარმოითქმის, როგორც "აიფონ ათი"). სრულიად ახალი დიზაინის მოდელი ყველა კომპონენტში გაუმჯობესებულია და აღემატება თავად iPhone 8-სა და iPhone 8 Plus-ს.
iPhone X სწორედ ის მოდელია, რომელზეც დიდი ხნის განმავლობაში საუბრობდნენ. ამ ტელეფონს არ აქვს Home Button და მისი წინა კორპუსი მთლიანად ეკრანით არის დაფარული. კორპუსის უკანა მხარე, iPhone 8-ის მსგავსად, მასაც შუშის აქვს. ორ შუშის პანელს კი ერთმანეთთან უჟანგავი ფოლადის ზოლი აერთიანებს.
ტექნიკური მახასიათებლები
პირველად, iPhone-ის ისტორიაში, ტელეფონის ეკრანი OLED-ტექნოლოგიით არის დამზადებული. Super Retina Display - ასე უწოდა კომპანიამ ახალ ეკრანს, რომლის გაფართოებაც 1125x2436 იქნება. აქამდე ყველა iPhone LCD ეკრანით იყო აღჭურვილი, რომელიც ფერების ჩვენების მაღალი სიზუსტით გამოირჩეოდა. კონტრასტულობის კუთხით, OLED-ტექნოლოგია LCD-ზე ბევრად წინ არის, იგი თითოეულ ფერს სიკაშკაშესა და აღქმადობას მატებს.
ვინაიდან iPhone X-ს აღარ აქვს Home button, ამ ღილაკის ზოგიერთი ფუნქცია გვერდითა ე.წ დაბლოკვის ღილაკმა შეიძინა. მაგალითად, Siri-ს გამოძახება ახლა გვერდითა ღილაკზე ოდნავ ხანგრძლივი დაჭერით არის შესაძლებელი.
iPhone X-ის პროცესორი, სხვა ახალი მოდელების მსგავსად, A11 Bionic იქნება. ამასთან, ეს მოდელიც წყალ და ნესტ გამძლეა.
ბევრი ჭორის მიუხედავად, Apple-მა ვერ მოახერხა თითის ანაბეჭდის სენსორის ეკრანის ქვეშ მოთავსება. მის უკანა მხარეს გადატანას კი, როგორც ჩანს, კომპანიამ სენსორის სრულად ამოღება არჩია და აუთენტიფიკაციისთვის ახალი მეთოდი - Face ID დაამატა. როგორც თითის ანაბეჭდის შემთხვევაში იყო, ტელეფონი ამჯერად თქვენს სახეს დაიმახსოვრებს. კომპანიის თქმით, სახის ამოცნობის ტექნოლოგია ძალიან ჭკვიანია და მისი "მოტყუება" არა თუ მფლობელის ფოტოთი, ჰოლივუდის პროფესიონალების მიერ დამზადებული ნიღბებითაც შეუძლებელი იქნება.
iPhone X-ის ეკრანის დიაგონალი 14,7 სმ (5,8 ინჩი) იქნება, რაც iPhone-ს ისტორიაში ყველაზე დიდია.
ამ მოდელის ოფიციალური ფასი აშშ-ში $999-დან დაიწყება. წინასწარ შეკვეთებს Apple ოქტომბრის ბოლოდან მიიღებს, ხოლო თავისუფალ გაყიდვაში ტელეფონი 3 ნოემბრიდან გამოვა.
უფრო დეტალურად სხვა მახასიათებლების შესახებ, შეგიძლიათ წაიკითხოთ Apple-ის ოფიციალურ საიტზე.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
კომენტარები