"თქვენი მოქმედებებით ვიჯერებ, რომ სადაც არ უნდა იყო და მოხვდე, ყველგან შეგიძლია ბედნიერი იყო. ალბათ ჩვენი ცხოვრების დანიშნულებაც ეს არის, გადავარჩინოთ ადამიანი ადამიანში. ალბათ თავისუფლებაც ეს არის და დიდი მადლობა თქვენ ამ თავისუფლებისთვის," — ამის შესახებ მსახიობი ანდრო ჭიჭინაძე ციხიდან წერს. მისი წერილი ახალი თეატრის წინ მოწყობილ სცენაზე მსახიობმა გივიკო ბარათაშვილმა წაიკითხა.

"სიმართლე გითხრათ, არც კი ვიცი საიდან დავიწყო. როგორ გამოვხატო მადლიერება იმისთვის, რასაც თქვენ აკეთებთ. ძალიან ვცდილობ, პათეტიკური არ ვიყო, მაგრამ კონტექსტმა გამწირა და მგონი, ცოტა მომიწევს. როცა ვამბობ თქვენ, ვგულისხმობ თითოეულ თქვენგანს პირადად და კონკრეტულად. ნაცნობებს და უცნობებს. თქვენ ხართ ადამიანები, რომლებსაც გააზრებული პასუხისმგებლობა გაქვთ აღებული პირველ რიგში საკუთარ თავზე და აკეთებთ ყველაფერს იმისთვის, რომ თითოეულმა ადამიანმა იცხოვროს ღირსეულ გარემოში, სადაც ყველა ადამიანი იქნება თანასწორი, დაცული და სოლიდარული. ვამაყობ თითოეული თქვენგანით. თქვენი მოქმედებებით ვიჯერებ, რომ სადაც არ უნდა იყო და მოხვდე, ყველგან შეგიძლია ბედნიერი იყო. ნებისმიერი უარყოფითი გადათარგმნადია დადებითში და სიყვარულში. ალბათ ჩვენი ცხოვრების დანიშნულებაც ეს არის, გადავარჩინოთ ადამიანი ადამიანში. როგორც საკუთარ თავში, ისე სხვაში. ალბათ თავისუფლებაც ეს არის და დიდი მადლობა თქვენ ამ თავისუფლებისთვის. მენატრებით", – წერს მსახიობ ანდრო ჭიჭინაძე ციხიდან.

შეგახსენებთ, რომ ამ წუთებში ახალი თეატრის მსახიობები თეატრის წინ "ახალი თეატრის" მანიფესტს წარმოადგენენ. თეატრის სამხატვრო ხელმძღვანელმა, დავით დოიაშვილმა თეატრის დაისის რეგიონებში გასვლა დააანონსა და თქვა, რომ ყველას შეხვდებიან და ყველასთან მიიტანენ სიმართლეს.

"რაც არ უნდა დააბნელოთ მთელი ქალაქი, სცენაზე შუქი აინთება და იქ ჩვენ ვიქნებით! ახალი თეატრი გადის რეგიონებში. ყველგან მივალთ — ნახავთ, რა შეუძლია თეატრს! გავალთ და დაველაპარაკებით ყველას, სდიეთ ქართლ თეატრს", – განაცხადა ვასო აბაშიძის სახელობის ახალი თეატრის სამხატვრო ხელმძღვანელმა დავით დოიაშვილმა და თეატრის საპროტესტო მანიფესტი წარადგინა.