ანდრო ჭიჭინაძე: ვერავის ვერ შეაშინებთ. ამ შიშებს და სისუსტეებს გადავაბიჯებთ და სათქმელი ყოველთვის ითქმება

5 Mar. 2025, 16:54

ვერ ვიგებ რაზე ვდაობთ ახლა. თქვენი ბრალდების მიხედვით, კონკრეტულად ანდრო ჭიჭინაძემ იქ რა დააშავა, ეს არის გაუგებარი.

ახლა მეორე, ჯგუფურობას არ სჭირდება ნაცნობობა და ერთმანეთის ცნობაო. ეს ახალი გამოგონება თუ არის, არ ვიცი. როგორ შეიძლება ჩვენ გვერქვას ჯგუფი და საერთო ნაცნობებიც არ გვყავდეს ერთმანეთთან. ამ გადასარევი ადამიანების ნახევარი გავიცანი პირველ სასამართლოზე, ნახევარი — მეორე სასამართლოზე და რაღაცა ჯგუფში ვართ მოაზრებულები, სადაც "რაღაც დანაშაული ჩავიდინეთ" ისე, რომ ერთმანეთს არ ვიცნობთ, პლუს სხვადასხვა დღეს გვედავებით... როგორ შეიძლება რომ ეს ჯგუფურად აღვიქვათ?

და კიდევ ერთ რამეს დავამატებ, მინდა ორი სიტყვა ვთქვა ბოლო დროს სხვადასხვა სახით გამოვლენილ დაშინების და შეშინების მცდელობაზე, რაც საქართველოში ხდება. მინდა ვთქვა, რომ ვერავის ვერ შეაშინებთ და თუ ვინმეს ეშინია, ეს შიშიც ძაან ადამიანური რამეა და იმითი ვართ ჩვენ თავისუფლები, რომ ამ შიშებს და სისუსტეებს, რაც ასევე ადამიანურია, გადავაბიჯებთ და სათქმელი ყოველთვის ითქმება.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

წყალი და მეტაბოლიზმი: მართლა გვეხმარება თუ არა ცივი წყლის დალევა კალორიების წვაში?