"ესეთი გვერდში დგომა, რასაც თქვენგან ვხედავ არის მეგობრობის და სიყვარულის მაგალითი, რომელიც სამაგალითო იქნება კიდევ ძალიან დიდი ხანი, — ამის შესახებ ანდრო ჭიჭინაძე ციხიდან გამოგზავნილ წერილში წერს, რომელსაც მისი ადვოკატი თორნიკე მიგინეიშვილი ავრცელებს.

ანდრო ჭიჭინაძე მადლობას უხდის მაყურებელს მხარდაჭერისთვის და წერს: "შევხვდებით თეატრში".



"აბაშიძის თეატრის საოცარი მანიფესტის შემდგომ ანდრო ჭიჭინაძე დღეს პირველად მოვინახულე.

საზოგადოებას გადმოგცემთ ანდროს წერილს:

"ესეთი გვერდში დგომა, რასაც თქვენგან ვხედავ არის მეგობრობის და სიყვარულის მაგალითი, რომელიც სამაგალითო იქნება კიდევ ძალიან დიდი ხანი.

მალე ყველაფერი ძალიან კარგად იქნება.

ასევე, დიდი მადლობა მაყურებელს.

შევხვდებით თეატრში!"

ა. ჭიჭინაძე", — წერს ანდრო ჭიჭინაძის ადვოკატი და წერილის ფოტოს აქვეყნებს.

28 წლის მსახიობი ანდრო ჭიჭინაძე პროევროპულ აქციებზე ჯგუფურ ძალადობაში მონაწილეობის ბრალდებით საკუთარ სახლში 4 დეკემბერს დააკავეს. ბრალის დამტკიცების შემთხვევაში 28 წლის მსახიობს 4-დან 6 წლამდე პატიმრობა ემუქრება. 2024 წლის 7 დეკემბერს გამართულ სხდომაზე მას პატიმრობა შეუფარდეს.