გაეროს სპეციალური მომხსენებელი უფლებადამცველების შესახებ, მერი ლოულორი, განცხადებას ავრცელებს, სადაც წერს, რომ ძალიან შეშფოთებულია საქართველოში 5 არასამთავრობო ორგანიზაციის საბანკო ანგარიშების დაყადაღებით და შესაბამის ორგანოებს მოუწოდებს, რომ გადახედონ გადაწყვეტილებას და გამოიძიონ უფლებადამცველებსა და მშვიდობიან მომიტინგეებზე თავდასხმები.

"ძალიან შეშფოთებული ვარ საქართველოში 5 არასამთავრობო ორგანიზაციის, მათ შორის, თბილისის ადამიანის უფლებათა სახლის საბანკო ანგარიშების დაყადაღებით, რომელიც მნიშვნელოვან საქმიანობას ეწევა ადამიანის უფლებების დაცვის მიმართულებით. შემაშფოთებელია, რომ ეს ნაბიჯი 2024 წლის ნოემბერ/დეკემბერში მიმდინარე საპროტესტო აქციების გამოძიების ნაწილს წარმოადგენს. მოვუწოდებ (შესაბამის უწყებებს) გადახედონ გადაწყვეტილებას და გამოიძიონ უფლებადამცველებსა და მშვიდობიან მომიტინგეებზე თავდასხმები", — ნათქვამია მერი ლოულორის განცხადებაში.

ამავე თემაზე: