თბილისის ადამიანის უფლებათა სახლი პროკურატურის მიერ დაწყებულ გამოძიებას ეხმაურება, რომლის ფარგლებშიც დაყადაღდა რამდენიმე ორგანიზაციისა თუ ფონდის, მათ შორის, თბილისის ადამიანის უფლებათა სახლის საბანკო ანგარიშები.

მათი თქმით, როგორც პროკურატურის მიერ წარმოებული გამოძიება, ისე ყადაღის დადების შესახებ მიღებული განჩინება დაუსაბუთებელი და უკანონოა.

"ვეხმაურებით ქართული ოცნების გენერალური პროკურატურის მიერ დაწყებულ გამოძიებას, რომლის ფარგლებშიც დაყადაღდა რამდენიმე ორგანიზაციისა თუ ფონდის, მათ შორის, თბილისის ადამიანის უფლებათა სახლის საბანკო ანგარიშები.

საქალაქო სასამართლოს განჩინება აღნიშნულთან დაკავშირებით გუშინ ჩაგვბარდა. ჩვენი შეფასებით, როგორც პროკურატურის მიერ წარმოებული გამოძიება, ისე ყადაღის დადების შესახებ მიღებული განჩინება დაუსაბუთებელი და უკანონოა. ეს არის ქართული ოცნების არალეგიტიმური რეჟიმის კიდევ ერთი მიზანმიმართული შეტევა უფლებადაცვით ორგანიზაციებსა და უფლებადამცველებზე, რაც აშკარად წარმოადგენს ქვეყანაში უფლებადაცვითი საქმიანობის კიდევ უფრო მეტად შეზღუდვის მცდელობას. უფლებადაცვითი ორგანიზაციის მხრიდან ჯარიმების გადახდას ჩვენ მივიჩნევთ სოლიდარობის გამოხატულებად. თანადგომა და ადამიანების სიღარიბისგან დაცვა არის ქართული კულტურის და ტრადიციის განუყოფელი ნაწილი", — ნათქვამია გავრცელებულ განცხადებაში.

ამავე თემაზე:

ნიკა გილაური: ეს ფონდები ეხმარებიან პოლიტიკური რეპრესიების მსხვერპლებს და დაზარალებულთა მხარდაჭერა დანაშაული არ არის

პროკურორი ლაშა კოტრიკაძე, რომლის მიმართვის საფუძველზეც მოსამართლემ 5 ფონდის დაყადაღების განჩინება გასცა, პირველ კომენტარს აკეთებს

SJC: ფონდების დაყადაღება პროტესტის დასჯისა და სამოქალაქო ორგანიზაციების დევნის კიდევ ერთი აგრესიული მცდელობაა

ნინო წილოსანი: ნანუკა ჟორჟოლიანის და სხვა დანაშაულებრივი ფონდები, კეთილშობილური მიზნის საფარქვეშ, რევოლუციას აორგანიზებდნენ

პროკურატურა: ფონდები მიღებული ფინანსური რესურსებით "ძალადობის წახალისებას" აფინანსებდნენ

ვატო შაქარაშვილი სოლიდარობის ფონდების დაყადაღებას გამოეხმაურა