სამეფო კარის თამაშები ორი კვირის წინ დასრულდა, თუმცა არც მანამდე და არც მას შემდეგ GOT-ის ფანებს არ შეუწყვეტიათ ფიქრი ასობით თეორიაზე.

წერდნენ, განიხილავდნენ და ამბობდნენ იმას თუ რა მოხდა, რა ხდება და რა შეიძლება მოხდეს HBO-ს საკულტო სერიალის ფინალურ სეზონში.

ერთ-ერთი ასეთი თეორია ნედ სტარკს ეხება და როგორც ფანები ამტკიცებენ, არც მეტი, არც ნაკლები - ის ცოცხალია!

თეორიის მიხედვით ნედი და ჯაკენ ჰაგარი ზუსტად ერთსა და იმავე დროს იყვნენ ლანისტერების საპყრობილეში, სადაც ისინი ერთმანეთს შეხვდნენ და სტარკის გაქცევა დაგეგმეს.

მივყვეთ მოვლენებს თანმიმდევრულად:

არია სტარკი და ჰაგარი ერთმანეთს პირველად შოუს პირველ სეზონში შეხვდნენ, როდესაც ეს უკანასკნელი ლანისტერებმა დაატყვევეს. ამავე თეორიის მიხედვით, სირიო ფორელიც, რომელიც არიას ორთაბრძოლის ხელოვნებას ასწავლიდა და ლანისტერებმა ისიც ამავე პერიოდში დაიჭირეს, უსახო კაცი იყო. სირიო ფორელის ბედი, არიას გაქცევის შემდეგ, უცნობი იყო, თუმცა ის ფაქტი, რომ ბრაავოსელი მწვრთნელი ხშირად ახსენებდა სიკვდილის ღმერთს, უნდა ვივარაუდოთ, რომ მართლაც უსახო ადამიანი იყო და ის დაატყვევეს.

არიამ ჯაკენი პირველ სეზონში გაიცნო, როცა ის ლანისტერებს რედ ქიფში ჰყავდათ დატყვევებული, იქ სადაც სირიო და ნედი იყვნენ:

მოკლედ, ამ თეორიის თანახმად, ვარისმა, რომელიც ყველაფერს აკონტროლებდა და იცოდა, რომ ჯოფრის მეფობა წარმატებული არ იქნებოდა, გადაწყვიტა ნედი გადაერჩინა - რადგან ისიც გათვალა, რომ ჯოფრისნაირი უზნეო ადამიანი ნედს აუცილებლად მოკლავდა. ვარისმა სირიო ფორელი, რომელიც დაჭრილი და დაშავებული იყო, დაარწმუნა, რომ ჯაკენის დახმარებით სახე შეეცვალა და ეშაფოტზე ნედის ადგილი დაეკავებინა, ხოლო სტარკების ლიდერი იმავე მიწისქვეშა გასასვლელიდან გაიყვანა, საიდანაც ტირიონი შეიყვანა ჯეიმისთან შესახვედრად. ამის შემდეგ, ნედი თავისუფალ ქალაქებში გადამალა და ის ახლა იქ იმყოფება ან სულაც სადღაც ვესტეროსში იმალება. თუ ეს მართალია, ნედი შეიძლება ჰაულანდ რიდთან, ჯოჯენისა და მირას მამასთან იმალებოდეს.

ამ თეორიის გასამყარებლად, ავტორი წიგნსაც იყენებს:

"როცა ნედი კვდება, ეს ამბავი არიას პერსპექტივიდანაა მოთხრობილი. ის ამბობს, რომ ეშაფოტზე გამოსვლისას ნედი ისეთი ნაცემია, რომ ცოცხალ ადამიანს არ ჰგავს. ნედი მართლაც იყო დაშავებული, მაგრამ მხოლოდ ფეხში იყო დაჭრილი. როცა სანსა იხსენებს იმ ეპიზოდს, როცა ჯოფრიმ მამამისის მოჭრილი თავის სანახავად მიიყვანა, ამბობს, რომ ეს ადამიანი მამამისს საერთოდ არ ჰგავდა, თუმცა ამას ხრწნის პროცესს აბრალებს. ხოლო მესამე ნიშანი კეტლინის სიტყვებია, როდესაც ის ამბობს, რომ ნედის ძვლები, რომლებიც მას კინგს ლენდინგიდან გამოუგზავნეს პატარა ტანის კაცისას ჰგავს".

ღმერთმა უწყის მართალია თუ არა ეს თეორია, მას არსებობის უფლება თვისთავად აქვს.