ნაციონალური მოძრაობის ინფორმაციით, აჭარის მთავრობის ყოფილი თავმჯდომარე და ნაციონალური მოძრაობის წარმომადგენელი ლევან ვარშალომიძე, რომელიც გუშინ ყაზახეთში დააკავეს, თავისუფალია.

"იურიდიული პროცედურები რჩება გასატარებელი, რის შემდეგაც ის ქვეყანას დატოვებს“, — განუცხადა ჟურნალისტებს ენმ-ის წევრმა ლევან ანთაძემ.

ანთაძისთვის უცნობია ვარშალომიძის გათავისუფლების მიზეზები და დეტალები. მისი თქმით, პროცესში ჩართული იყო საქართველოს საგარეო საქმეთა სამინისტრო და საელჩო ყაზახეთში.

შეგახსენებთ, ნაციონალურმა მოძრაობამ გუშინ გაავრცელა ინფორმაცია, რომ ლევან ვარშალომიძე ყაზახეთში დააკავეს რუსეთის ფედერაციიდან გაგზავნილ ინფორმაციას სისხლის სამართლის საქმესთან დაკავშირებით, რომელიც უკრაინის ხელისუფლებასთან ლევან ვარშალომიძის პოლიტიკურ საკონსულტაციო საქმიანობას უკავშირდება.

პარტიის ერთ-ერთი ლიდერის, ლევან ბეჟაშვილის თქმით, ლევან ვარშალომიძე მაშინ დააკავეს, როდესაც აეროპორტით საზღვარს კვეთდა.

ერთიანი ნაციონალური მოძრაობის ერთ-ერთმა ლიდერმა, ლევან ხაბეიშვილმა განაცხადა, რომ "ლევან ვარშალომიძის დაკავება მოხდა პუტინის რუსეთის მოთხოვნით, დიდი იმედი, რომ მას არ გადასცემენ რუსეთს,".