სულხან-საბა ორბელიანის უნივერსიტეტი, მუდმივად ქმნის ახალგაზრდების პროფესიული განვითარებისთვის საჭირო გარემოს, რისთვისაც საგანმანათლებლო არეალს აფართოებს და უკვე მოქმედ ფაკულტეტებს ახალ პროგრამებს ამატებს.

ამ დრომდე, აქ არსებობდა საჯარო მმართველობის მაგისტრატურის კურსი, ამჟამად, კი საჯარო მმართველობის საბაკალავრო პროგრამაც გაიხსნა, რომელმაც 7-წლიანი უპირობო აკრედიტაცია მიიღო. აბიტურიენტებს უკვე შეუძლიათ, შემოხაზონ საჯარო მმართველობის საბაკალავრო პროგრამა, კოდი ცნობარში აღნიშნულია ციფრებით — 088.

“ჩვენ შევისწავლეთ, აკადემიური ბაზარი და დავასკვენით, რომ არსებობს რესურსი, როგორც საჯარო სექტორში, ისე სასწავლო დაწესებულებებში. კვლევის შედეგად გამოკვეთილი ტენდენციის საფუძველზე გადავწყვიტეთ, რომ საჭიროა, ამ მიმართულებით, რაც შეიძლება მეტი სამაგისტრო და სადოქტორო კადრი აღვზარდოთ.

პროგრამას ასწავლიან ისეთი ლექტორები, რომლებიც დღესდღეობით საჯარო სამსახურის წამყვანი სპეციალისტები არიან. კადრები შეირჩა ზედმიწევნით ობიექტურად, გამოკითხვის შედეგად.“ — გვიყვება სულხან-საბა ორბელიანის უნივერსიტეტის სამართლის ფაკულტეტის დეკანი, გიორგი გორაძე.

კითხვარები დაურიგდათ, არა მხოლოდ საჯარო სამსახურის მოხელეებს, არამედ ბიუროს წევრებსაც. პასუხების შედეგად კი გამოიკვეთა საჭიროებები, პრობლემები, რა უნარები სჭირდებათ შერჩეულ კადრებს, რომელია მათთვის სასურველი კურსები და სხვ. პროგრამა შედგა უნივერსიტეტის ხედვებიდან და გამოკითხვის პასუხებიდან გამომდინარე.

საპროგრამო მიდგომა უფრო მეტად ორიენტირებულია, პრაქტიკაზე და, რასაკვირველია, თეორიაზეც, ოღონდ დოზირებულად. მოქმედმა საჯარო პირებმა კარგად იციან სტუდენტების პროფესიონალებად ჩამოყალიბებისთვის აუცილებელი უნარები, რასაც, გაუზიარებენ ახალგაზრდებს. ანუ, მნიშვნელოვანია ის, რომ სტუდენტები თეორიულ ცოდნასთან ერთად,პრაქტიკულ გამოცდილებას მიიღებენ და ეს პროგრამა დაეხმარებათ მათ ლიდერობის უნარების განვითარებაში.

“სამართლის ფაკულტეტზე შევიტანეთ — ექსკლუზიურ-პრაქტიკული საგნები, ბიზნეს ეკონომიკა, ლიდერობა, კლინიკა და სხვ. რადგან მომავალ საჯარო მოხელეს უნდა შეეძლოს ყველაფერი, რაც სჭირდება, დაწყებული განცხადების დაწერით — აქტის გაფორმებისა და სტრატეგიული დოკუმენტის შექმნის ჩათვლით.“ - გვიზარებს გიორგი გორაძე.

ფაკულტეტი გამორჩეულია საავტორო პროგრამებით, რომლებიც სტუდენტებს შესაძლებლობას აძლევს გაცვლითი პროგრამით ისწავლონ ევროპის წამყვან უნივერსიტეტებში.

სულხან-საბა ორბელიანის უნივერსიტეტში, ერაზმუსის გარდა, მოქმედებს ექსკლუზიური ბილატერალური ხელშეკრულებები პარტნიორ უნივერსიტეტებთან, რაც ითვალისწინებს სტუდენტების უფასო სწავლასა და ცხოვრებას 1 სემესტრის განმავლობაში. იყო არაერთი შემთხვევა, როცა ორივე მხარის სურვილით, სტუდენტებს მე-2 სემესტრიც გაუგრძელებიათ უცხოეთში სწავლა.

“საზღვარგარეთ ახალგაზრდების სასწავლებლად გასაგზავნად ჩვენთვის დაფინანსებას გამოჰყოფს საერთაშორისო ორგანიზაცია ფუსე: ესპანური უნივერსიტეტები აცხადებენ პროგრამას, ჩვენ კონკურსის საფუძველზე ვარჩევთ საუკეთესო სტუდენტს და ვაგზავნით. ერთხელ ისე მოხდა, რომ ჩვენ ერთი კანდიდატურა შევარჩიეთ, მათ კი მეორე ადგილზე ვინც გავიდა ისიც მოეწონათ და ორივე წაიყვანეს. ჩვენი სტუდენტები სწავლობენ ვალიადოლიდში, კადიშში, სალამანკაში, პოლონეთთან და საფრანგეთთან გაცვლითი პროგრამები გვაქვს.“ - გვიამბობს გიორგი გორაძე.

პროგრამის დასრულების შემდეგ კურსდამთავრებულებს შეეძლებათ დასაქმდნენ ადმინისტრაციულ თანამდებობებზე სახელმწიფო და კერძო სექტორებში, არასამეწარმეო ორგანიზაციებში, მაკონტროლებელ ორგანოებსა და სხვა მნიშვნელოვან პოზიციებზე.