ბრუნო ბოტი Pulsar AI-ის მიერ შექმნილი პირველი ჩეტბოტ თამაშია, რომელსაც ქართული ხმა ესმის. მასთან თამაში შესაძლებელია მესენჯერის პლატფორმაზე.

ბრუნო ბოტი გეთამაშებათ თამაშს, რომლის დროსაც უნდა დაასახელოთ მოცემულ ასოზე შესაბამისი ქვეყანა ან დედაქალაქი. მოთამაშემ თავისი პასუხი უნდა გააგზავნოს ხმის ჩანაწერის სახით. ბრუნო მომენტალურად აანალიზებს პასუხს და თავის პასუხსაც უგზავნის მოთამაშეს.

გარდა ამისა, ბრუნოს შეუძლია გესაუბროთ საკუთარ თავზე და ბევრ საინტერესო თემაზე, ოღონდ მას ეს ყველაფერი ხმით უნდა ჰკითხოთ და არა მოკლე ტექსტური შეტყობინებით. ბრუნო თავის ასაკზე, მეგობრებზე, წიგნებზე, საყვარელ ფილმებზე და პოლიტიკაზეც კი გესაუბრებათ.

ბრუნო პულსარმა შექმნა. მეცნიერ-მკვლევარების, დატა-ინჟინრების, პროგრამისტებისა და IT ექსპერტებისგან დაკომპლექტებული ჯგუფი ხელოვნური ინტელექტის შექმნაზე მუშაობს. მათ ეკუთვნით ცნობილი თი ბოტი და ასევე ბი ბოტიც.