The Guardian-ის ცნობით, დიდი ბრიტანეთი უკრაინისათვის სადაზვერვო ინფორმაციის გაზიარებას გააგრძელებს, თუმცა ლონდონსა და სხვა ევროპულ დედაქალაქებს ამ მიმართულებით აშშ-ის ჩანაცვლება ძალიან გაუჭირდებათ.

ასევე, ბრიტანეთი გააგრძელებს დაუმუშავებელი მონაცემების ანალიზის მიწოდებას, თუმცა ჩვეულებრივი სადაზვერვო პრაქტიკის შესაბამისად, არ გადასცემს ამერიკული დაზვერვის ინფორმაციას, რომელსაც დიდი ბრიტანეთი ორ ქვეყანას შორის დეკადების წინ დამკვიდრებული შეთანხმებებით იღებს.

"ისინი ვერ მიდიან ისე შორს, როგორც აშშ-ის შესაძლებლობები, არ არიან ერთ დონეზე და მათ ვერ ჩაანაცვლებენ, თუმცა მათ შეუძლიათ, უკრაინას მისცენ საშუალება, შედარებით ადრე იცოდეს თავდასხმების შესახებ და ჰქონდეს რუსეთის სიღრმეში დარტყმის შესაძლებლობა", — განაცხადა გამოცემის ანონიმურმა წყარომ.

სადაზვერვო მონაცემები გროვდება სატელიტებიდან, სახმელეთო სადგურებიდან, სათვალთვალო საფრენი საშუალებებიდან, როგორიცაა, მაგალითად, Rivet Joint და ფარული სახმელეთო ძალებიდანაც კი, რაც საბოლოოდ ღია წყაროების მასალებთან ერთად უკრაინას მიეწოდება, რათა საშუალება მიეცეს, ღრმა სარაკეტო იერიშები მიიტანოს რუსეთის ტერიტორიაზე.

ანალოგიური განცხადება გააკეთა საფრანგეთის თავდაცვის მინისტრმა სებასტიან ლეკორნუმაც.