5 მარტს ორთაჭალაში, ბეჟან კალანდაძის ქუჩაზე ტრაქტორის დაგორების შედეგად დაშავებული ქალი საავადმყოფოში დღეს გარდაიცვალა.

მომხდარის შედეგად კიდევ ერთი ადამიანი და 3 ავტომობილი დაშავდა.

როგორც IPN-ს "ნიუჰოსპიტალსში" განუცხადეს, დაშავებულის მდგომარეობა იმდენად მძიმე იყო, კლინიკაში შეყვანისთანავე ჩაუტარდა ოპერაცია, თუმცა, მდგომარეობის სიმძიმის გამო, მისი გადარჩენა ვერ მოხერხდა.

შსს-ს ცნობით, საქმეზე გამოძიება 276-ე მუხლით დაიწყო, რაც ტრანსპორტის მოძრაობის ან ექსპლუატაციის უსაფრთხოების დარღვევას გულისხმობს, რამაც ჯანმრთელობის დაზიანება ან ადამიანის სიცოცხლის მოსპობა გამოიწვია.