ინოვაციური სასოფლო-სამეურნეო პროდუქციისა და აგროტექნიკის იმპორტიორ კომპანია აგროსფეროს 20 წელი შეუსრულდა. ამ განსაკუთრებული მოვლენის აღსანიშნავად კომპანია მომხმარებლებს მთელი წლის განმავლობაში მრავალფეროვან აქციებს, აქტივობებსა და სიურპრიზებს ჰპირდება.

"მიმდინარე წელი აგროსფეროსთვის განსაკუთრებულია, რადგან 20 წლის გავხდით და უკან განვითარების დიდი ისტორია მოვიტოვეთ. გვინდა, საიუბილეო წელი დასამახსოვრებელი გავხადოთ ჩვენი ერთგული მომხმარებლებისთვისაც და კიდევ უფრო გავამარტივოთ ინოვაციურ აგროპროდუქციაზე ხელმისაწვდომობა. ასე რომ, მოემზადეთ საინტერესო აქტივობებისა და სიურპრიზებისთვის, რომელთა შესახებაც ეტაპობრივად გაცნობებთ“, — აცხადებს აგროსფეროს მარკეტინგის სამსახურის ხელმძღვანელი, აკაკი ტოროტაძე.

აგროსფერო 2005 წელს დაფუძნდა მისიით გაეზარდა თანამედროვე სასოფლო-სამეურნეო პროდუქციაზე ხელმისაწვდომობა და ხელი შეეწყო საქართველოში ინოვაციური პრაქტიკების დანერგვისათვის. დღეს კომპანია აგროპროდუქტების უმსხვილესი დისტრიბუტორია საქართველოში და ოფიციალურად წარმოადგენს ინოვაციური პროდუქციის მწარმოებელ ლიდერ კომპანიებს. მათ შორისაა Bayer, Dekalb, Saatbau, Claas, Yara, Felco, Pellenc და მრავალი სხვა.

თანამედროვე პროდუქციის იმპორტის გარდა, აგროსფერო ფერმერებს უწევს აგროკონსულტაციას და ეხმარება მეურნეობის ინოვაციური მიდგომებით წარმართვაში. ამასთანავე, მუდმივად სთავაზობს მათ სემინარებს, ვორქშოფებსა და სხვადასხვა ტიპის საგანმანათლებლო ღონისძიებებს. ბოლო რამდენიმე წელია აგროსფერო, სასტიპენდიო და სტაჟირების პროგრამებით, აქტიურად უწყობს ხელს სტუდენტებსაც და ეხმარება მათ თანამედროვე აგრო-განათლების მიღებასა და პრაქტიკული უნარ-ჩვევების განვითარებაში. აღსანიშნავია ისიც, რომ აგროსფერო აწარმოებს ადგილობრივ კლიმატსა და ნიადაგზე მორგებულ ხორბლის სერტიფიცირებულ სათესლე მასალებსაც.

"აგროსფერომ წლიდან წლამდე დიდი ზრდა განიცადა და მნიშვნელოვნად გააფართოვა მისი საქმიანობის არეალი. ამ ყველაფრის მიზანი ჩვენი თავდაპირველი მისიისა და მიზნის განხორციელებაა. წინ კიდევ ბევრი გეგმა გვაქვს და გვჯერა, რომ ისეთივე წარმატებული მომავალი გველის, როგორიც გასული 20 წელი იყო“, — ამბობს აკაკი ტოროტაძე.