საფრანგეთის ულტრამემარჯვენე პარტია "ეროვნული ერთობის" ლიდერი, მარინ ლე პენი, გამოეხმაურა აშშ-ის მიერ უკრაინისათვის სამხედრო შეიარაღების მიწოდების დაპაუზების ფაქტს და ამას "სასტიკი ნაბიჯი" უწოდა.

"ჩემი აზრით, ამ გადაწყვეტილების სისასტიკე იმსახურებს დაგმობას. ეს ძალიან სასტიკი ნაბიჯია უკრაინელი ჯარისკაცების მიმართ, რომლებიც თავიანთი ქვეყნის პატრიოტული თავდაცვით არიან დაკავებული", — განაცხადა მარინ ლე პენმა.

4 მარტს CNN-მა გაავრცელა ინფორმაცია, რომ ტრამპის ბრძანებით, უკრაინისათვის სამხედრო დახმარების მიწოდება შეჩერდება იქამდე, ვიდრე აშშ-ის პრეზიდენტი არ დაინახავს, რომ უკრაინის ხელისუფლება აჩვენებს კეთილ ნებას მშვიდობისკენ.