24 თებერვალს, ევროკავშირმა უკრაინას იშვიათ წიაღისეულზე აშშ-ის გარიგებაზე უფრო "მომგებიანი" შეთანხმება შესთავაზა.

უკრაინის მინერალების სიმდიდრე, მათ შორის მანგანუმი, ტიტანი, გრაფიტი და ლითიუმი კიევსა და ვაშინგტონს შორის დაძაბული მოლაპარაკებების სამიზნე გახდა. აშშ-ის პრეზიდენტი, დონალდ ტრამპი ამტკიცებს, რომ აშშ იმსახურებს "დაიბრუნოს" ის თანხა, რითაც აშშ უკრაინას დაეხმარა.

ევროკომისარმა ინდუსტრიული სტრატეგიის საკითხებში, სტეფან სეჟურნმა თქვა, რომ, ევროკავშირის ხელმძღვანელ ურსულა ფონ დერ ლაიენთან ერთად კიევში ვიზიტის დროს, მან უკრაინელ ოფიციალურ პირებს სხვა პოტენციური შეთანხმება შესთავაზა.

"ევროპისთვის საჭირო 30 კრიტიკული მასალისგან ოცდაერთი შეიძლება უზრუნველყოფილი იყოს უკრაინის მიერ მომგებიანი პარტნიორობით," — განაცხადა სეჟურნმა შეხვედრის შემდეგ, რომელიც რუსეთის სრულმასშტაბიანი შეჭრის მესამე წლისთავზე შედგა.

სეჟურნმა ასევე განაცხადა, რომ ამ გარიგების დამატებითი ღირებულება არის ის, რომ ევროპა არასდროს არ მოითხოვს ისეთ შეთანხმებას, რომელიც ორივე მხარისთვის მომგებიანი არ არის.

შეგახსენებთ, 24 თებერვალს დონალდ ტრამპმა განაცხადა, რომ შეერთებული შტატები "ძალიან ახლოს" იყო უკრაინასთან მის წიაღისეულზე შეთანხმებასთან.

ასევე იხილეთ: