ესტონეთის საგარეო საქმეთა სამინისტრო საქართველოს მეხუთე პრეზიდენტ სალომე ზურაბიშვილზე და პარტია გახარია საქართველოსთვის ლიდერ გიორგი გახარიაზე თბილისის საერთაშორისო აეროპორტში განხორციელებულ თავდასხმებს X-ის საკუთარ გვერდზე ეხმაურება.

"აღმაშფოთებელი და საზიზღარი თავდასხმები საქართველოში პრეზიდენტ სალომე ზურაბიშვილზე და ოპოზიციურ ლიდერზე გიორგი გახარიაზე. ესტონეთი ქართულ ოცნებას მოუწოდებს, დაუყოვნებლივ შეწყვიტოს ეს თავდასხმები და დამნაშავეებს პასუხი აგებინოს", — წერს საგარეო საქმეთა სამინისტრო.

ინფორმაციისთვის, მიუნხენის უსაფრთხოების კონფერენციიდან დაბრუნებულ საქართველოს მე-5 პრეზიდენტს, სალომე ზურაბიშვილის და პარტია გახარია საქართველოსთვის ლიდერს, გიორგი გახარიას, თბილისის აეროპორტში უცნობი პირები დახვდნენ, რომლებმაც მათ კვერცხები დაუშინეს.