შვედეთის საგარეო საქმეთა სამინისტრო X-ზე ეხმიანება ოკუპირებულ აფხაზეთში ჩატარებულ ე.წ "საპრეზიდენტო არჩვნებს" და აცხადებს, რომ შვედეთი უპირობოდ უჭერს მხარს საქართველოს ტერიტორიულ მთლიანობას და არ აღიარებს ე.წ "არჩევნების" ლეგიტიმაციას.

"შვედეთი არ აღიარებს ე.წ "საპრეზიდენტო არჩევნებს", რომელიც აფხაზეთის ოკუპირებულ რეგიონში ჩატარდა. ჩვენ კვლავ ვიმეორებთ ჩვენს სრულ მხარდაჭერას საქართველოს ტერიტორიული მთლიანობისა და სუვერენიტეტის მიმართ თავის საერთაშორისოდ აღიარებულ საზღვრებში. მოვითხოვთ რუსეთისგან, შეასრულოს ვალდებულებები, რომლებიც 2008 წლის ცეცხლის შეწყვეტის შეთანხმების შედეგად აიღო", — წერს შვედეთის საგარეო საქმეთა სამინისტრო.