ვოლოდიმირ ზელენსკი: როგორც ჩანს, დღეს NATO-ში ყველაზე გავლენიანი პუტინია, იმიტომ რომ, მას შესწევს ძალა დაბლოკოს NATO-ს გადაწყვეტილებები.

15 Feb. 2025, 17:19

"რამდენიმე დღის წინ პრეზიდენტმა ტრამპმა მომითხრო მისი საუბრის შესახებ პუტინთან. მას არც ერთხელ უხსენებია, რომ მაგიდასთან ამერიკას ევროპა სჭირდება — ეს ბევრს ამბობს. ძველი დღეები, როცა ამერიკა ევროპას მხოლოდ იმიტომ უჭერდა მხარს, რომ ამას ყოველთვის აკეთებდა, დასრულდა.

[...] მოდი, ვიყოთ გულწრფელები — ჩვენ ახლა ვერ გამოვრიცხავთ, რომ ამერიკამ შესაძლოა უარი უთხრას ევროპას უსაფრთხოების საკითხებზე. ბევრმა ლიდერმა ისაუბრა ევროპის შესახებ, რომელსაც სჭირდება საკუთარი სამხედრო ძალები — ევროპის არმია.

[...] გუშინ აქ, მიუნხენში, აშშ-ის ვიცე პრეზიდენტმა ცხადად განაცხადა — ევროპასა და აშშ-ს შორის ძველებური ურთიერთობების დეკადები სრულდება. აქედან მოყოლებული, რაღაცები სხვანაირად იქნება და ევროპა ამას უნდა მოერგოს.

[...] როგორც ჩანს, დღეს NATO-ში ყველაზე გავლენიანი პუტინია, იმიტომ რომ, მას შესწევს ძალა დაბლოკოს NATO-ს გადაწყვეტილებები. უკრაინა არასდროს დაეთანხმება ჩვენს ზურგს უკან, ჩვენი მონაწილეობის გარეშე მიღებულ შეთანხმებებს — ეს წესი უნდა გავრცელდეს ევროპაზეც. არ უნდა იქნეს გადაწყვეტილებები მიღებული უკრაინაზე უკრაინის გარეშე, ევროპაზე ევროპის გარეშე. ევროპას უნდა ჰქონდეს ადგილი მაგიდასთან, როცა გადაწყვეტილება მიიღება ევროპის შესახებ"

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

რუსთავი-ლილოს გზაზე მომხდარ ავარიას 3 ადამიანი ემსხვერპლა