დღეს, 12 თებერვალს, 16;30 საათზე დევნილთა, ეკომიგრანტთა და საარსებო წყაროებით უზრუნველყოფის სააგენტოსთან აქცია — "მოვითხოვთ გამჭვირვალე საბინაო პოლიტიკას" გაიმართა.

აქციის მონაწილეებმა გამჭვირვალე საბინაო პოლიტიკა და ღირსეული პირობები მოითხოვეს. მათი თქმით, დროა მიიღონ ღირსეული პირობები, რასაც საქართველოს მთავრობებისგან 32 წელია ითხოვენ.

"ვითხოვთ დევნილები ღირსეულ პირობებს, 32 წელია ამას ველოდებით. ვითხოვ პასუხს — როდის უნდა მოვიდეს ჩემი ჯერი? რამდენი წელი უნდა ველოდოთ კიდევ ის თაობა, რომელიც დავიბადეთ და გავიზარდეთ აფხაზეთში... როდის დაგვადგება საშველი და გვეღირსება ნორმალური პირობები? მეტს არაფერს ვითხოვთ... ვფიქრობ, რომ [მთავრობა] ძალიან კარგად ხედავს ჩვენს პირობებს, თუმცა არ უნდათ და არ აწყობთ ამის დანახვა, რადგან კორუფცია მაინც არსებობს... ვითხოვთ, რომ შეიცვალოს ქულების მინიჭების სისტემა — ამას ვითხოვ მე დღეს", — განაცხადა აქციის მონაწილე ერთ-ერთმა დევნილმა აფხაზეთიდან.