სომხეთის პარლამენტმა ოთხშაბათს პირველი მოსმენით მიიღო კანონპროექტი ევროკავშირში გაწევრიანების პროცესის დაწყების შესახებ. ინფორმაციას სომხური მედია ავრცელებს.

კანონპროექტს 63-მა დეპუტატმა დაუჭირა მხარი, 7 იყო წინააღმდეგი.

მმართველი ფრაქციის სამოქალაქო კონტრაქტის ლიდერმა ჰაიკ კონჯორიანმა ადრე განაცხადა, რომ ისინი კენჭს უყრიან კანონპროექტს. კანონპროექტი ინიცირებული იყო რამდენიმე სამოქალაქო ორგანიზაციის მიერ პეტიციით, რომელმაც საკმარისი ხმა დააგროვა კანონპროექტად განხილვისთვის.

კანონპროექტი მოუწოდებს სომხეთის ხელისუფლებას, დაიწყოს ევროკავშირში გაწევრიანების პროცესი.