ევროკავშირის წინააღმდეგ დაწესებული ტარიფები უპასუხოდ არ დარჩება, - ასე გამოეხმაურა ევროკომისიის პრეზიდენტი, ურსულა ფონ დერ ლაიენი აშშ-ს პრეზიდენტის, დონალდ ტრამპის გადაწყვეტილებას ფოლადისა და ალუმინის იმპორტზე დაწესებული ტარიფების 25%-იან ზრდაზე.

"ამერიკის შეერთებული შტატების გადაწყვეტილებაზე, ევროპულ ფოლადსა და ალუმინის ექსპორტზე ტარიფები დააწესოს, ღრმა მწუხარებას გამოვხატავ. ტარიფები გადასახადებია. ეს ცუდია ბიზნესისთვის, უარესია მომხმარებლებისთვის. ევროკავშირის წინააღმდეგ დაწესებული გაუმართლებელი ტარიფები უპასუხოდ არ დარჩება. ეს მკაცრ და პროპორციულ საპასუხო ზომებს გამოიწვევს", — აცხადებს ურსულა ფონ დერ ლაიენი.

ტრამპის განცხადებით, ფოლადისა და ალუმინის იმპორტზე დაწესებული ტარიფების 25%-იანი ზრდა ყველა ქვეყანას ეხება და ძალაში 12 მარტს შევა.