თბილისის საქალაქო სასამართლოში აქტივისტ საბა სხვიტარიძის პირველი არსებითი სხდომა მიმდინარეობს.

საბა სხვიტარიძის ადვოკატის, ირაკლი ჩომახაშვილის თქმით, საბას მიმართ წაყენებულია პოლიტიკური ბრალდება და პოლიტიკური საქმეები არ უნდა იყოს სასამართლოში განხილული.

"დღეს მხარეები ვისარგებლებთ შესავალი სიტყვებით. დაველოდებით ბრალდების მხარე წარმოადგენს თუ არა მოწმეებს. მე რამდენადაც მაქვს ინფორმაცია, დღეს იქნება მხოლოდ შესავალი სიტყვები. სხვა შუამდგომლობას არც ერთი მხარე არ დავაყენებთ.

საბა ისარგებლებს როგორ შესავალი სიტყვით, ასევე უფლებების განმარტების დროს დააფიქსირებს საკუთარ პოზიციას, ჩვენ ვთლით, რომ საბას მიმართ წაყენებულია პოლიტიკური ბრალდება და პოლიტიკური საქმეები არ უნდა იყოს სასამართლოში განხილული", — განაცხადა ირაკლი ჩომახაშვილმა ჟურნალისტებთან.

28 იანვარს გამართულ სასამართლო სხდომაზე კოალიცია ცვლილებისთვის წევრი საბა სხვიტარიძე პატიმრობაში დატოვეს. აღნიშნული გადაწყვეტილება თბილისის საქალაქო სასამართლოს მოსამართლე ნატო ხუჯაძემ მიიღო.

პროკურორი როინ ხინთიბიძის თქმით, საქმეზე ვიდეოჩანაწერია წარმოდგენილი, სადაც ჩანს, როგორ ურტყამს თავში რაღაც ნივთს სხვიტარიძე პოლიციის თანამშრომელს, რამაც პოლიციელის ჯანმრთელობის დაზიანება გამოიწვია, მას თავი ჰქონდა გატეხილი.

სხდომაზე ბრალდებულმა თქვა, რომ პოლიტიკური პატიმარია და პროცესიც პოლიტიკურ ხასიათს ატარებს.

სამოქალაქო აქტივისტი საბა სხვიტარიძე სისხლის სამართლის წესით 5 დეკემბერს დააკავეს. მას ბრალად პოლიციელის ჯანმრთელობის ხელყოფა წარუდგინეს. თბილისის საქალაქო სასამართლომ 6 დეკემბერს ცხვიტარიძეს აღკვეთის ღონისძიების სახით პატიმრობა შეუფარდა. საქმეზე მომდევნო სასამართლო პროცესი 28 იანვარს გაიმართება.