საქართველოს მე-5 პრეზიდენტი, სალომე ზურაბიშვილი, X-ზე გამოეხმაურა "მოამბის" 6-საათიანი გამოშვების წამყვანის ცვლილების საკითხს. ზურაბიშვილის განცხადებით, ეს ცენზურისა და კრიტიკული ხმების ჩახშობის მაგალითია.

"ცენზურისა და კრიტიკული ხმების ჩახშობის კიდევ ერთი მაგალითია საზოგადოებრივი მაუწყებლის გადაწყვეტილება, ვასილ ივანოვ-ჩიქოვანის "მოამბის" წამყვანობის შეჩერების შესახებ. საზოგადოებრივი მაუწყებელი, რომელიც ემსახურება ხალხს, უნდა იცავდეს მედიის დამოუკიდებლობასა და პლურალიზმს, რომელიც დაცული უნდა იყოს", — წერს სალომე ზურაბიშვილი სოციალურ ქსელში.

ინფორმაციისთვის, 4 თებერვალს "მოამბის" 6-საათიანი გამოშვება ვასილ ივანოვ-ჩიქოვანის ნაცვლად მარიამ შავაძეს მიჰყავდა. თავად ვასილ ივანოვ-ჩიქოვანმა ამასთან დაკავშირებით Facebook-ზე გამოაქვეყნა წერილი, რომელიც არხისგან მიიღო.

ასევე იხილეთ: ვასილ ივანოვ-ჩიქოვანი "მოამბის" 6-საათიანი გამოშვების წამყვანი აღარ არის