"დოიჩე ველე" ბელარუსულ მედიაზე დაყრდნობით ავრცელებს ბელორუსი პრეზიდენტის, ალექსანდრე ლუკაშენკოს განცხადებას, რომელიც ამბობს, რომ მისთვის არ აქვს მნიშვნელობა აღიარებს თუ არა ევროკავშირი ბელარუსის საპრეზიდენტო არჩევების შედეგს.

"აღიარებთ თუ არა ამ არჩევნებს ევროკავშირში, ეს გემოვნების საკითხია. დამიჯერეთ, ვფიცავ, აბსოლუტურად არ მადარდებს, აღიარებთ თუ არა ჩვენს არჩევნებს", — თქვა ლუკაშენკომ.

ამასთან, იგი ამბობს, რომ მთავარია, არჩევნები აღიაროს ბელარუსმა ხალხმა და ისევე მშვიდობიანად დამთავრდეს, როგორც დაიწყო.

"ეს არის მთავარი და მერე თქვენი საქმეა. თუ აღიარებთ, გამოგეხმაურებით და მადლობას მოგახსენებთ", — აღნიშნა ლუკაშენკომ.

ცნობისთვის, ევროპარლამენტმა 22 იანვარს მიიღო რეზოლუცია, რომელიც მოუწოდებს საერთაშორისო მეგობრობას, ბელარუსის საპრეზიდენტო არჩევნები ფიქტიურ არჩევნებად შეაფასოს და სახელმწიფოს მეთაურის თანამდებობაზე ლუკაშენკოს არაღიარების პოლიტიკა განაგრძოს. ამასთან, რეზოლუციაში ნახსენებია, რომ დისიდენტების წინააღმდეგ ბელარუსის რეჟიმი კვლავ აგრძელებს სისტემატურ რეპრესიებს, მათ უკანონო დაპატიმრებას, წამებას, დევნასა და სასტიკ მოპყრობა

ბელარუსის საპრეზიდენტო არჩევნებში, რომელიც ამჟამად მიმდინარეობს, ლუკაშენკოს გარდა, ოთხი კანდიდატი მონაწილეობს. იმ შემთხვევაში, თუ ალექსანდრე ლუკაშენკომ კვლავ გაიმარჯვა, იგი პრეზიდენტის თანამდებობას მეშვიდე ვადით დაიკავებს.