პროტესტში ჩართული მოქალაქეების თქმით, 21 იანვარს, მთელი დღის განმავლობაში, მათ უკავშირდებოდნენ ჩვენი ონლაინ მედიის მსგავსი სახელით და უსვამდნენ პროვოკაციული შინაარსის შეკითხვებს, რომლებიც არ ეფუძნებოდა რეალობას.

პირველადი მოკვლევის შემდეგ გაირკვა, რომ ზარებს ახორციელებდა ერთ-ერთი პროპაგანდისტული სატელევიზიო არხის ჟურნალისტი.

ინფორმაციას ვავრცელებთ მომავალში დაბნეულობის ასარიდებლად, რადგან ზარები მრავალჯერადი იყო და სავარაუდოა, რომ ამგვარი ქცევა კიდევ განმეორდება.

პროპაგანდისტებს მოვუწოდებთ, რომ მომავალში ისეთი საქმიანობით დაკავდნენ, რომლის საკუთარი სახელით კეთებაც სამარცხვინო არ იქნება.